Bradley maoy napilian ni Pacquiao; Roach dili uyon

-A A +A

Friday, January 10, 2014


SI undefeated World Boxing Organization (WBO) welterweight champion maoy napilian ni Filipino boxing icon Manny Pacquiao nga iyang makontra karong Abril o Mayo.

Kini maoy gipahibawo mismo ni Pacquiao atol sa Scoop sa Kamayhan On Air radio program sa DZAR kagahapon didto sa Kaulohan.

“Yes, I want to fight Bradley, simply because I want to win back the title he took from me by a questionable decision,” matod sa 35-anyhos nga Sarangani Congressman atol sa interview nga makita usab sa live streaming sa www.sonshinetvradyo.com.

Advertisement

Gitumbok ni Pacquiao mao ang iyang kontrobersiyal nga split decision nga kapildihan ni Bradley, duha ka tuig ang nakalabay diin gihulagway sa kadaghanan nga maoy pinakadakong binuang nga desisyon sa boxing.

“Halos lahat ng tao sa mundo ay naniniwala na tayo ang nanalo doon sa laban, kaya dapat lamang naman na bawiin natin yun alang-alang sa mga taong gaya natin ay ninakawan ng panalo ng isang huwes,” pasabot ni Pacquiao.

Hinuon gitug-an ni Pacquiao nga dili pa final ang tanan sanglit matagbo pa sila ni Bob Arum sa Top Rank Promotions.

“There’s no final decision yet though. We will still be meeting, my promoter Bob Arum and myself to finally decide on who I will fight,” dugang niya. “Definitely though, I would insist that Bradley be it. Siguro before the month ends, malalaman na.”

Subay niini, gikompirmar ni coach Freddie Roach nga gusto gyud sa iyang batos nga makig-rematch ni Bradley apan, matod niya, nga aduna siyay igong rason kon kini iyang supakon.

Usa na niini mao ang financial consideration.

“He wants it [a rematch with Timothy Bradley] because he felt he got a bad decision last one. We like that fight of course, but the thing is, it’s not a big moneymaker,” padayag ni Roach sa Fight Hype.

Nagduda si Roach nga dili kini mokita sama sa una nilang away tungod sa kakuwang og mga dumadapig ni Bradley.

“The money that fight brings is not that great because he doesn’t have a pay-per-view audience; well, not as big as we would like,” matod niya.

Laing rason ni Roach mao nga ang style ni Bradley makaguba sa estelo ni Pacquiao.

Nagtuo siya nga gamitan ni Bradley og hit-and-run si Pacquiao aron lupigon kini sa puntos.

“I want Manny to look good in his next fight… I think he (Bradley) will run all night and make for a poor showing for Manny,” ingon ni Roach sa linahing interview sa Boxing Scene.

Gipatik sa mantalaang SuperBalita Cebu Enero 11, 2014.

Isports

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu front page for October 01, 2014
Sun.Star Jobs
  • Sinulog
  • Sunstar Multimedia
  • Pnoy
  • Sun.Star Zup!
  • Habemus Papam
  • Festivals
  • Obituary
  • Philippine Polls
  • SunStar Celebrity
  • Pacman blog
  • Technology
  • Calamity Report
  • ePaper
  • Filipino Abroad
  • tell it to sunstar
  • goodearth