Hapit na mabuak

-A A +A

Monday, March 31, 2014


MISIKIT na’g maayo si Kevin Durant sa rekord ni Michael Jordan.

Ang All-Star forward nimugna og 31 puntos aron pangulohan ang dakong kadaugan sa host Oklahoma City Thunder batok sa Utah Jazz, 116-96, kagahapon sa National Basketball Association (NBA).

Kini maoy ika-38 nga sunodsunod nga duwa nakamugna si Durant og 25 puntos o pataas.

Duha na lang ang kuwang aron matupngan niya ang rekord ni Jordan sa Chicago Bulls nga 40 niadtong 1986-87 season.

Gipasabot ni Durant nga wala niya hatagi og gibug-aton ang pagbuak sa rekord sa gikonsiderar nga usa sa labing maayong basketbolista sa planeta ug igo lang siyang miduwa sa iyang duwa.

“I’m just going out there, playing my game,” pasabot sa NBA scoring leader. “If it happens, cool. If it doesn’t, cool. That’s how I approach it - just playing within the offense. If a shot’s there, shoot it. If a pass is there, pass it. I try to play as simple as I can. If that (25 points or more) comes with it, then so be it, but if not, I’m not going to lose any sleep.”

Apan ang mga sumosunod sa Thunder mao ang nag-atang ug naghandom nga mabuak sa ilang idolo ang rekord ni Jordan.

Sa nahabiling 4:02 minutos sa 3rd quarter, nakakuha og foul si Durant sa iyang pagsuway og itsa sa 3-point area nga naghatod kaniya sa freethrow line. Naka-24 puntos si Durant sa premiro niyang freethrow unya sa dihang naka-24 puntos si Durant sa ikaduhang freethrow, milanog ang abiba sa mga dumadapig sa Thunder.

Ang ikatulong freethrow ni Durant maoy nakahatag sa Thunder og 84-56 nga labaw. Sama sa miagi nilang duwa, wala na sab mopakita’g aksyon si Durant sa 4th quarter gumikan kay kontrolado na kaayo nila ang duwa.

Nidugang og 19 puntos si Russell Westbrook, nitampo og 17 puntos si Serge Ibaka samtang nihatag og 15 puntos si Caron Butler alang sa Thunder, nga ningsaka sa 54-19 nga rekord ug nagpabilin sa ikaduhang puwesto sa Western Conference.

Ang Jazz, nga natagak sa 23-51 nga rekord, gipangulohan ni Enes Kanter pinaagi sa iyang 18 puntos ug 12 rebiunds samtang nihatag og 17 puntos si Richard Jefferson.

Sayo nga milanog ang opensa sa Thunder ug nakamugna dayon kini’g 11-0 nga labaw. Pagkahuman sa 1st quarter, nakaposte na sila og 26-9 nga bintaha.

“They were aggressive on the defensive end and we settled for a lot of jump shots,” matod ni Jazz coach Tyrone Corbin. “We missed jump shots and they were able to run the ball out on us. In that first quarter, I thought we were hungry for it, but that’s what good teams do. They come out and try to bury you right from the beginning. They had a lot of success doing it in the first quarter.”

Puntos matag usa:

Oklahoma City (116) - Durant 31, Westbrook 19, Ibaka 17, Butler 15, Adams 8, Lamb 8, Fisher 4, Williams 2, Jones 2, Thabeet 2.

Utah (96) - Kanter 18, Jefferson 17, Hayward 16, Burks 12, Williams 9, Favors 8, Clark 5, Lucas III 3, Burke 2, Evans 2, Gobert 2, Garrett 2. AP/ESL

Gipatik sa mantalaang SuperBalita Cebu Abril 01, 2014.

Isports

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu's front page for August 23, 2014
Sun.Star Jobs
  • Pnoy
  • Philippine Polls
  • goodearth
  • Obituary
  • SunStar Celebrity
  • Pacman blog
  • Habemus Papam
  • Sun.Star Zup!
  • Filipino Abroad
  • Sinulog
  • Sunstar Multimedia
  • Technology
  • Calamity Report
  • Festivals
  • ePaper
  • tell it to sunstar