Hari sa hansak

Friday, March 6, 2015 - 08:48 p.m.

GISUNOD ni Rey Guevarra kon unsa ang anaa sa pahina sa libro sa iyang idolo nga si Kobe Bryant ug iyang impresibong nadepensaan ang titulo sa 2015 PBA MyPhone Slam Dunk contest kagabii didto sa Puerto Princesa City Coliseum.

Ang guard sa Meralco mihimo og usa ka hansak nga sama sa gihimo ni Bryant diin iyang gipaagi ang bola sa iyang bilahan samtang naglupad og dayong hansak nga maoy nakayango nakahatag og perpektong 50 puntos sa mga judges.

Tallo, Parker gipa-tryout sa National team

Friday, March 6, 2015 - 08:47 p.m.

GIANGKON nila ni Mark Jayven Tallo ug Jasper Parker nga wa pa sila sa salktong kondisyon dihang nadawat nila ang imbetasyon aron mo-tryout sila sa Sinag Pilipinas apan ilang giklaro nga dili nila palabyon kining maong oportunidad.

Matod sa duha ka mga pambato sa Cebu Schools Athletic Foundation Inc. (CESAFI) champion South­western University (SWU) Cobras nga nadawat nila ang imbetasyon usa na lang ka semana sa dili pa magsugod ang tryouts.

Thunder gipahilum sa tres

Friday, March 6, 2015 - 08:28 p.m.

NAPASULOD ni E’Twaun Moore ang iyang three-point shot sa nahabiling 2.1 segundos aron agakon ang host Chicago Bulls ngadto sa kadaugan batok sa Oklahoma City Thunder, 108-105, kagahapon sa National Basketball Association (NBA).

Ang tres ni Moore maoy nakapawa og bili sa laing bangis nga performance sa pambato sa Thunder nga si Russell Westbrook.

2015 Ornopia Cup Cup mosugod na

Friday, March 6, 2015 - 08:27 p.m.

SUGDAN karong alas 8:00 sa buntag ang 3rd Brgy. Capt. Lou Ornopia Developmental Basketball League sa Calambua open court sa lungsod sa San Remigio, Cebu.

Ang kompetisyon gibahin sa duha ka mga kategoriya. Kini mao ang inter-barangay nga alang sa 18-under nga mga magduduwa ug inter-Purok nga alang sa 15-under nga mga magduduwa.

Tesda run karong buntag

Friday, March 6, 2015 - 08:26 p.m.

KAPIN sa usa ka libo ka mga runners ang motubag sa starting gun karong buntag sa dihang ipahigayon ang “Tesda: Dagan Ta, Tabang Ta” nga manukad sa Samilon Road, Cebu Business Park.

Lakip sa modagan mao mismo ang director general Technical Education and Skills Development Authority (Tesda) nga si Joel Villanueva.

Megafight pinakadako sa kasaysayan: Hagler

Friday, March 6, 2015 - 08:25 p.m.

MISMONG si boxing legend Marvin Hagler kumbensido nga malabwan sa panag-away nila ni Manny Pacquiao ug Floyd Mayweather Jr. ang tanang labing dagkong mga away sa kasaysayan sa boksing lakip na ang ilang engkuwentro ni Sugar Ray Leonard.

Sa interbyu sa AFP, ang 60 anyos nga si Hagler nagkanayon nga ang Pacquiao-Mayweather bout mao ang labing dakong away nga mahitabo sa kasaysayan bisa’g kinsa pa’y modaog.

Cavs mipisok sa Raptors

Thursday, March 5, 2015 - 08:49 p.m.

WA magpadala si LeBron James sa kainit sa duwa aron pangulohan na usab ngadto sa laing kadaugan ang Cleveland Cavaliers, 120-112, batok sa Toronto Raptors kagahapon.

Si James kinsa gipatiran sa paa ni James Harden sa Houston Rockets niadtong Dominggo, nakakita na usab ni gikabikil sa dihang nalup-og siya sa sawog tungod sa grabing foul nga gi­pahamtang ni Jonas Valanciunas ngadto kaniya sa third quarter.

All-Star game sugdan; Fajardo di makaduwa

Thursday, March 5, 2015 - 08:48 p.m.

BISAN pa man sa pagka-angol nila ni June Mar Fajardo sa San Miguel Beer, Mark Caguioa sa Ginebra ug Dondon Hontiveros sa Alaska, tugob sa aksyon ang gipaabot masaksihan sa dihang sugdan karong adlawa ang 2015 PBA All-Star Games didto sa Puerto Prinseca City Coliseum sa Palawan.

Nangulo sa South team mao ang 42-anyos nga si Asi Taulava kinsa anaa na sa iyang ika-13 nga pagsalmot sa All-Star game. Niini iya nang matupngan si Alvin Patrimonio, ang team manager na karon sa Purefoods Hotshots.

Yaw-Yan founder pasidunggan

Thursday, March 5, 2015 - 08:47 p.m.

ANG founder ug chief executive officer sa Yaw-Yan ArDigma-Cebu nga si Master Benigno “Ekin” R. Caniga Jr. ang nakadawat na usab og merito sa dihang i-induct siya sa 3rd Philippine Martial Arts Hall-of-Fame ug hatagan usab og award karong Abril 17 sa usa ka seremonyal nga ipahigayon sa Baguio City.

Pinangulohan ni executive director Punong Lakan Garitony Nicolas, ang Philippine Martial Arts Hall-of-Fame mohatag og pasidungog niadtong mga martial arts instructor ug mga praktisyoners nga nakatampo sa kalambuan sa maong natad sa paugnat sa kusog sa nasod.

Online sa Mingla

Thursday, March 5, 2015 - 08:46 p.m.

GAWAS sa dakbayan sa Sugbo, ang Online Basketball Training Camp mosanga usab ngadto sa lungsod sa Minglanilla sugod karong Abril 7 sa ala una sa hapon diha sa Minglanilla Sports Complex.

Kini ubos sa pagsuporta ni Minglanilla Mayor Lannie Pena, sa iyang Vice Mayor Jojo Selma ug sa konseho sa maong lungsod.

Tyson nagtuo nga Pacquiao modaog

Thursday, March 5, 2015 - 08:45 p.m.

NAGTUO si kanhi heavyweight champion Mike Tyson nga kon gusto ni Floyd Mayweather Jr. nga magpabiling limpyo ang iyang record kinahanglan di siya moatras o modagandagan sa higayon nga magsangka na sila si Filipino boxing icon Manny Pacquiao karong Mayo 2 didto sa MGM Grand Arena sa Las Vegas, Nevada.

Kini maoy panahom sa 48 an­yos nga Tyson kinsa nahimo usab nga inilang boksidor sa tibuok kalibutan ug nahimong pinakabata nga world champion sa iyang panahon.

Roach: sparring partners ni Pacman gipamayran sa kampo ni Floyd Jr.

Thursday, March 5, 2015 - 08:44 p.m.

GIAKUSAHAN ni Freddie Roach ang kampo ni Floyd Mayweather Jr. nga migamit na og “dirty tactics” aron malawgaw ang training camp ni Manny Pacquiao.

Matod ni Roach, ang chief trainer ni Pacquiao, nga gipamayran ni Al Haymond, manager ni Mayweather, ang mga boksidor nga mao unta ang ilang kuhaon nga ika-sparring sa Filipino ring icon isip kabahin sa ilang preparasyon sa umaabot nga megafight karong Mayo 2, didto sa MGM Grand Arena sa Las Vegas, Nevada.

Donaire paawayon sa Macau: Arum

Thursday, March 5, 2015 - 08:43 p.m.

PAAWAYON sa Macau si kanhi world boxing champion Nonito “The Filipino Flash” Donaire kon modaog ug makapakita kini og maayong performance sa iyang away karong Marso 28 sa Pinoy Pride 30:D-Day.

Kini maoy gisaad ni boxing promoter Bob Arum. Si Donaire makigsanga batok sa Brazilian boxer nga si William Prado alang sa North American Boxing Federation superbantamweight title sa Araneta Coliseum.

Press conference sa megafight sa Marso 11 sa L.A.

Thursday, March 5, 2015 - 08:42 p.m.

IPAHIGAYON karong Marso 11 ang promotional press conference sa gikahinaman nga mega fight tali ni Filipino boxing star Manny Pacquiao ug Floyd Mayweather Jr. didto sa Los Angeles, California.

Ang mga organizers nakahukom nga dili na mopahigayon og mga press conference ngadto sa nagkalainlaing dapit o nasod sama sa nangagi kon dili  usa lang sa Los Angeles ug laing usa sa Las Vegas, mga pipila ka adlaw sa dili pa ang away.

Bata vs. Raga

Wednesday, March 4, 2015 - 08:44 p.m.

USA ka kulbahinam nga engkuwentro sa billiards ang masaksihan karong Marso 8 sa Jancor Billiards Center sa dalan V. Gullas (kanhi Manalili), dakbayan sa Sugbo.

Ang labing bantugang bilyarista sa Pilipinas nga si Efren “Bata” Reyes makigbatok sa numero uno ug sumosulbong nga bilyarista sa Sugbo nga si Anton Raga sa usa ka one-on-one exhibition game.

Calambua Developmental Basketball sugdan karong Sabado

Wednesday, March 4, 2015 - 08:43 p.m.

ANDAM na ang tanan alang sa pagpahigayon sa 3rd Brgy. Capt. Lou Ornopia Developmental Basketball League nga sugdan karong Sabado sa Calambua open court sa lungsod sa San Remigio, Cebu.

Dul-an sa P50,000 ang kinatibuk-ang ganting salapi nga maangkon sa mga mananaog sa torneyo.

Allen naapsan ni James

Wednesday, March 4, 2015 - 08:42 p.m.

WA maanad si LeBron James nga maghisgot kabahin sa iyang personal nga mga kalampusan apan kagahapon iya kining gihimo.

Si James nimugna og 27 puntos sa 110-79 nga kadaugan sa host Cleveland Cavaliers batok sa Boston Celtics sa National Basketball Association (NBA).

Brian Shaw gitangtang

Wednesday, March 4, 2015 - 08:41 p.m.

GITANGTANG isip coach sa Denver Nuggets si Brian Shaw niadtong Martes human sa 56-85 nga rekord niining nahimo sulod sa usa ug tunga ka season sa National Basketball Association (NBA).

Si Melvin Hunt kinsa anaa na sa iyang ikalima nga season isip assistant coach sa Nuggets mao karon ang nagdala isip coach sa maong team alang sa nahibilin nga season.

Fajardo posibleng di makaduwa sa PBA All-Star Game

Wednesday, March 4, 2015 - 08:40 p.m.

WA’Y seguro ang kasamtangang Most Valuable Player nga si JuneMar Fajardo kon makaduwa ba kini sa umaabot nga Philippine Basketball Association (PBA) All-Star game human kini nakaangkon og lisa sa iyang tiil atol sa duwa sa San Miguel Beermen ug Barako Ball niadtong Martes sa Commissioner’s Cup.

Naangkon sa higanteng sentro sa South team ang pagkaangol human kini nakig-inilugay sa rebound batok sa import sa Energy nga si Solomon Alabi sa 1st quarter.

Angga ni Idol

Wednesday, March 4, 2015 - 08:38 p.m.

NGANONG gianggaan man og “Black Mamba” si Los Angeles Lakers superstar Kobe Bryant?

Mismong si Bryant ang nitawag sa iyang kaugali­ngon nga Black Mamba, nga usa ka klase sa bitin nga grabe ka agresibo ug grabe ka la. Nasulod kini sa iyang alimpatakan human siya mitan-aw sa sa­lidang “Kill Bill.”

Pacquiao migukod

Wednesday, March 4, 2015 - 08:37 p.m.

DAGHAN ang nagtuo nga mahimo ni Manny Pacquiao ang wa nahimo sa 47 ka mga boksidor – ang pagpilde kang Floyd Mayweather Jr.

Sa pagdagan sa mga adlaw human na-finalize ang away sa duha ka mga boksidor, mas midaghan ang ningtuo nga mahimo kini ni Pacquiao. Unya gisuportaan pa kini nila og kwarta nga igpupusta.

Donaire mibun-og sa sparring mate

Wednesday, March 4, 2015 - 08:35 p.m.

NAPASAKITAN ni Nonito “The Filipino Flash” Donaire ang iyang sparring partner nga si Jonel Alibio sa miaging adlaw atol sa ilang training sa ALA gym sa Balete Drive sa Quezon City.

Sulod sa upat ka rounds nakig-sparring si Donaire kang Alibio una kini misagubang og laing tulo ka rounds batok kang Vergel Puton.

Rousey nakalibre og ringside nga tiket

Wednesday, March 4, 2015 - 08:34 p.m.

NINDOT ang semana ni Ronda Rousey. Una nadepesahan niya ang iyang titulo sa ilang away ni Cat Zingano sulod lang sa 14 ka mga segundos sa UFC 184 sa Los Angeles.

Human niini, gianunsyo nga mobida siya sa usa ka salida nga giulohan og “Mile 22.”

Kaging!

Tuesday, March 3, 2015 - 08:08 p.m.

NAPASULOD ni Jarrett Jack ang iyang jumpshot sa nahabiling 1.1 segundos aron aswaton ang host Brooklyn Nets ngadto sa makapakaging nga kadaugan batok sa league-leader Golden State Warriors, 110-108, kagahapon sa National Basketball Association (NBA).

Ang mabayanihong jumpshot ni Jack maoy nakabaraw sa dakong rally sa Warriors sa 4th quarter nga gipangulohan ni Stephen Curry.

Migallen: Cebu basketball milurang na

Tuesday, March 3, 2015 - 08:07 p.m.

SA niaging semana, sekreto nga midalikyat dinhi sa Sugbo ang managsuong Pumaren nga sila si Derrick ug Franz nga mga kanhi coach sa PBA.

Si Derrick mao karon ang headcoach sa University of the East (UE) Warriors ug usa sa iyang coaching staff mao ang iyang igsuon nga si Franz.

Nanay’s lubong sa Family

Tuesday, March 3, 2015 - 08:06 p.m.

PADAYONG gipakita sa Family Appliance ang ilang kalantip nga maoy ilang lig-ong hinagiban sa miaging season pinaagi sa paglubong og 20 putnos sa Ned Nanay’s Grill sa City Hoops Season 2 niadtong Dominggo sa Visayan Glass Gym sa Guadalupe, dakbayan sa Sugbo.

Gidominar sa Family Appliance ang Ned Nanay’s Grill 80-60 aron angkunon ang sayong liderato sa Group B.

Sunsport camp, Abril 6

Tuesday, March 3, 2015 - 08:04 p.m.

ARON paghatag og igong higayon sa pagpreparar, ang basketball training director nga si Jojo Romarate mipahibawo nga sa Abril 6 sugdan na ang tinuig nga Sunsport Basketball Training Camp sa Sacred Heart Sports Center Club, D. Jakosalem St., dakbayan sa Sugbo.

Kini matapos sa Abril 30 samtang sa Mayo 4 ngadto sa Mayo 29 usab ipahigayon ang level 2 sa maong training camp.

Gituyo ni Floyd Jr?

Tuesday, March 3, 2015 - 08:03 p.m.

NAGTUO si kanhi Manila Mayor kinsa karon Buhay Party-List Rep. Lito Atienza nga dili gusto si American boxer Floyd Mayweather Jr. nga anaay mga Pinoy nga motan-aw sa away nila ni Manny Pacquiao sa mismong venue niini sa Las Vegas karong Mayo 2.

Gawas nga grabe ka mahal, lisod nga mapalit ang mga tiket sa away diin ang labing barato nagkantidad og $1,000. Adunay mga nagtuo nga ibaligya kini og $10,000 sa secondary market.

Alaska gibiktima sa Kia

Tuesday, March 3, 2015 - 08:03 p.m.

NAKABIKTIKMA na sab og dakong isda ang rookie team Kia Carnival dihang ilang gipakaging ang Alaska Aces, 103-89, sa premirong duwa kagahapon sa Philippine Basketball Association (PBA) Commissioner’s Cup sa Araneta Coliseum.

Ang higanteng import sa Carnival nga si Peter John Ramos nagbangis na sab ug wa kini kapungi sa paghakot og 36 puntos ug 33 rebounds aron pangulohan ang kadaugan.

Ex-Superbalita 9-ball king mipirma sa TCC

Tuesday, March 3, 2015 - 08:01 p.m.

NAHIMO nang opisyal ang pagkahisakop nila ni Anton Raga ug Ruben Cuña sa Cebu City billiard team human mipirma og kontrata ang duha ka sumosulbong nga mga bilyarista ubos sa pagdumala ni Cebu City Sports Commission (CCSC) commissioner Lorenzo “Chao” Sy.

Si Raga, kinsa maoy no.1 billiard player sa Sugbo ug katapusang nahimong kampiyon sa Sun.Star Superbalita 9-Ball competition niadtong 2013, mipirma og 15 ka mga tuig nga kontrata sa miaging adlaw.

Today's front page

Sun.Star SuperBalita Cebu's front page for March 7, 2015
  • Philippine Polls
  • Festivals
  • Calamity Report
  • Sun.Star Zup!
  • goodearth
  • Sunstar Multimedia
  • Pacman blog
  • tell it to sunstar
  • Sinulog
  • Papal Visit
  • Habemus Papam
  • SunStar Celebrity
  • ePaper
  • Filipino Abroad
  • Technology
  • Pnoy
  • Obituary