P. George Naangol

-A A +A

Sunday, August 3, 2014


NAKASINATI og grabeng pagkaangol sa iyang tuo nga tiil si Indiana Pacers All-Star Paul George kagahapon sa usa ka exhibition game tali sa mga sakop sa U.S. national training pool sa Las Vegas, USA.

Si George milayat ug misuway pagpalak sa fast-break layup ni James Harden sa nahabiling 9:33 minutos sa 4th quarter apan sa wala pa siya nitugpa, unang nidapat ang iyang tuo nga tiil sa backboard hinungdan nga nabali kini.

Gitabang si George sa trainers ug human sa 10 minutos nga pagkahunong sa duwa, gisakay si George sa stretcher aron dad-on sa ospital.

Advertisement

Human niini, gianunsyo ni coach Mike Krzyzewski ngadto sa mga tumatan-aw nga dili nila tiwason ang duwa agi’g respeto kang George ug sa pamilya niini.

Niadtong gutloa, ang White team pinaagi sa pagpangulo ni George nag-una batok sa Blue squad, 91-81.

“This is a first for us in USA Basketball, to have something like this take place,” asoy ni USA Basketball chairman Jerry Colangelo. “It’s a tough situation for our entire organization, the coaches, the players. Very, very emotional. There’s no way the game could have gone on under the circumstances.”

Si George usa sa mga gikonsiderar nga segurado na og puwesto sa final 12-man lineup sa US team alang sa pagdepensa niini sa ilang korona sa FIBA World Cup nga sugdan karong Agusto 30 sa Spain.

Pinaagi sa Twitter, gipadangat ni George ang iyang kahimtang.

“Thanks everybody for the love and support. I’ll be ok and be back better than ever!!! Love y’all!!” tweet ni George.

Gikan sa 20, ang mga sakop sa training pool kibhangon unta ngadto sa 14 karong adlawa apan nausab ang plano gumikan sa nahitabo kang George.

“Everything’s on hold right and it should be,” asoy ni Krzyzewski. “It would be so inappropriate for us to talk about anything else when there’s a serious injury like this.”

Lain na sab kining kakulian alang sa US squad sunod sa pagbalibad nila ni forwards Kevin Love, Blake Griffin, LaMarcus Aldridge ug NBA Finals MVP Kawhi Leonard.

Ang Pacers nabalaka og maayo sa nahitabo sa usa sa ilang labing pambato.

“We are aware of the injury sustained by Paul George in Friday night’s Team USA game in Las Vegas and we are obviously greatly concerned,” pamahayag ni Pacers President Larry Bird. "At this time our thoughts and prayers are with Paul. We are still gathering details and will have an updated statement Saturday.” AP

Isports

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu's front page for November 26, 2014
Sun.Star Jobs
  • SunStar Celebrity
  • Pacman blog
  • goodearth
  • Sun.Star Zup!
  • Technology
  • Philippine Polls
  • Festivals
  • Filipino Abroad
  • ePaper
  • Obituary
  • Sinulog
  • tell it to sunstar
  • Sunstar Multimedia
  • Habemus Papam
  • Pnoy
  • Calamity Report