Bag-ong kondisyon

-A A +A

Wednesday, September 3, 2014


KARON nga nabuhi’g balik ang poruhan nga madayon ang ilang away ni Filipino 8-time world champion Manny Pacquiao, si American Floyd Mayweather Jr. nagpagawas na sab og bag-ong kondisyon aron makig-away siya sa Pambansang Kamao sa Pilipinas.

Nagkanayon ang pound-for-pound no.1 nga makig-away lang siya ni Pacquiao kon mopirma kini’g kontrata sa iyang gipanag-iya nga Mayweather Promotions.

“If Pacquiao signed with Mayweather Promotions, then the fight could happen,” matod ni Mayweather sa interbyu sa Black Sports Online. “But if he’s not signed to Mayweather Promotions, I’m not gonna fight (him).”

Advertisement

Silingan sa imposible nga mahitabo kini tungod kay bag-uhay lang mipirma og contract extension si Pacquiao sa Top Rank Promotions, nga gipanag-iya ni Bob Arum.

Dili pa lang dugay, gipabuhagay ni Arum nga dako ang posibilidad nga mapahigayon na ang labing gikaintapang away sa sayong bahin sa sunod tuig gumikan kay nagkausa ang higanteng TV networks nga naggunit sa duha ka mga boksidor.

Ang HBO maoy naggunit kang Pacquiao samtang ang Showtime kang Mayweather.

Sa sayo pa, matod ni Mayweather nga wala siya maghunahuna gumikan kay nakatutok ang iyang atensyon sa umaabot niyang away batok kang Marcos Maidana karong Septiyembre 13.

Ang bag-ong kondisyon ni Mayweather posibleng mao na sab ang makalubog sa negusasyon.

Ning bag-uhay lang, nagkanayon si Arum nga naglihok og maayo ang HBO ug Showtime aron mapahigayon na gyud ang labing gikaintapang away.

“Both networks want this fight to happen. All signs seem to point to the fight happening early next year,” asoy ni Arum sa interbyu sa San Francisco Chronicle.

“It has to happen by the first six months of next year. And if it happens, there should be a provision with a different percentage for the rematch. So that the winner is rewarded for winning the fight.”

Gipatik sa mantalaang SuperBalita Cebu Septembre 04, 2014.

Isports

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu front page for December 19, 2014
Sun.Star Jobs
  • Festivals
  • Pnoy
  • goodearth
  • SunStar Celebrity
  • Pacman blog
  • Habemus Papam
  • ePaper
  • Sun.Star Zup!
  • Filipino Abroad
  • Calamity Report
  • tell it to sunstar
  • Sinulog
  • Obituary
  • Sunstar Multimedia
  • Philippine Polls
  • Technology