KON mapili pagka senador, unang balaudnon nga gustong ipapasar ni boxing superstar Manny Pacquiao mao ang pag-aghat sa tanang mga mga Filipino athlete sa pagduwa alang sa national team kon kini kinahanglanon.
Ang giilang Pambansang Kamao nakasinati sa nahitabo sa Samahang Basketbol ng Pilipinas (SBP) human kini balibari sa pipila ka mga players sama nila ni June Mar Fajardo, LA Tenorio, Jeffrey Chan ug Paul Lee sa dihang miporma kini sa Gilas Pilipinas karong tuiga.
“Sa basketball, pagdating sa mga ganyan, magpapasa tayo ng panukalang batas na kung ikaw ay naglalaro pa at kinuha ka ng team ng Pilipinas, dapat obligado ka maglaro,” padayag ni Pacquiao sa interview sa Spin.ph.
“Halimbawa, Pilipino ka, bumuo ng team ang bansa - you have to participate.”
Si Pacquiao, kinsa mao usab ang coach sa Mahindra Enforcers sa PBA, nagtuo nga si Fajardo uban sa pipila ka mga kalidad nga mga magduduwa dako og matabang sa Gilas Pilipinas sa FIBA Asia Championship batok sa China niadtong Sabado.
“Siguro ‘yung mga ibang players na dapat tumugon, eh kung andun siguro sila, nakatulong pa. Hindi nababad ‘yung iba nating magagaling,” padayag sa fighting congressman, kinsa ning semanaha mipahibawo sa iyang pagdagan pagka senador sa piniliay sunod tuig.
“So, isa talaga ‘yan sa mga priority ko kung makakapasok tayo sa Senado.”
Kon kahinumdoman, ang Gilas Pilipinas napakyas sa paglabni og lingkuranan alang sa 2016 Olympics sa Rio de Janeiro human kini mapukan sa host China sa FIBA Asia Championship finals.
Apan bisan pa man sa kapakyasan, nakadawat kini og mga pagdayeg human kini makaabot sa finals taliwala sa mga kalisdanan nga naagi-an sa maong team.
Gipadayag ni Pacquiao nga kadtong mga wa mosanong ug yanong gitalikdan ang national team dili angay pagatawgon nga mga Filipino.
“Kung hindi ka magre-respond sa tawag ng bandila, kung hindi ka susunod, hindi mo dapat sinasabi na Pilipino ka,” padayag ni Pacquiao.
“Kasi wala tayong batas para magpilit sa kanila na sumali sa Team Pilipinas. Kailangan natin ng bill siguro na ganyan, para ma-obliga sila na lumaro,” dugang niya.
Matod pa sa eight-time division world champion nga garbo ug dungog niya nga makarepresenta sa nasod sa matag away niya ibabaw sa ring.