SA iyang impresibong unanimous decision nga kadaugan batok kang Viktor Postol sa ilang unification junior welterweight bout niadtong Dominggo (RP time), miburot ang poruhan ni Terence Crawford nga maoy mahimong kontra sa pagbalik og away ni Manny Pacquiao.
Kaduha gitumba ni Crawford sa 5th round si Pistol aron iposte ang dominanteng desisyon nga kadaugan ug usahon ang World Boxing Organization (WBO) ug World Boxing Council (WBC) junior welterweight titles.
Misaka ang rekord ni Crawford sa 29-0, 20KOs.
Giklaro ni Crawford nga andam siyang makig-away sa fighting congressman sa Pilipinas apan kinahanglang sa junior welterweight (140) nga timbang.
“If (Top Rank chief executive) Bob Arum wants that fight, and my coaches want that fight, that’s something we’ll talk about later,” matod ni Crawford sa interbyu sa www.boxingscene.com.
“I let my coaches handle that. I am a fighter and I will fight anybody. I’m happy, and I’m about to go on vacation.”
Alang sa trainer ni Pacquiao nga si Freddie Roach, dili isyu ang kondisyon ni Crawford gumikan kay natural nga timbang ni Pacquiao ang 140.
“I think 140 pounds is where we would see the best Pacquiao,” batbat ni Roach, kinsa mao sab ang trainer ni Postol. “At 147 pounds (welterweight), he’s not bad, but I think his ideal weight is 140, where the speed and power will be combined better.”
Hinuon giklaro ni Roach nga kon siya lang ang matuman, dili si Crawford maoy gusto niyang sagubangon ni Pacquiao kon ang rematch batok kang Floyd Maywather Jr.
Sa premirong away nga gitawag og Fight of the Century niadtong Mayo sa miaging tuig, gilupig ni Mayweather si Pacquiao pinaagi sa unanimous decision.
“To me, I would love it if he would return, and do it against Floyd Mayweather, but that still seems remote,” batbat ni Roach.
“If he can’t do that, then we can do it at 140 pounds. That’s where I like to see him.”
Sukad masukad, kausa ra nakaaway si Pacquiao sa 140 diin iyang brutal nga gi-knockout si Britsih superstar Ricky Hatton niadtong 2009.
Human niini, misaka dayon ang Pambansang Kamao sa Pilipinas sa welterweight division.