TAGSA-TAGSANG gipangpukan sa mga top seeds Southwestern University (SWU) ug University of San Jose Recoletos sa women’s divison ang ilang mga kaatbang sa pagsugod sa semifinals round sa Cebu Schools Athletic Foundation Inc. (Cesafi) volleyball tournament sa University of San Carlos gym.
Ang SWU, ang defending sa maong tournamnet miparot sa No. 4-ranked University of Southern Philippines Foundation (USPF), 25-20, 25-15, 16-25, 25-23, samtang ang USJ-R, sa ilang bahin, mipukling usab sa home team USC, 25-20, 19-25, 25-22, 25-15, in the other semifinal match-up.
Sa sayong bahin sa unang set, kulbahinam ang panag-engkuwentro apan ang pagpabuhagay og spikes nila ni Paula Marie Maninang ug Jackie Lou Singson maoy naghatag og 25-20 nga kadaugan sa USJ-R.
Way kalahian sa nahitabo sa second set diin sa uwahing mga gutlo una pa maaninaw sa USJ-R ang ilang kadaugan. Nabali ang dagan sa momentum sa duwa ug ning higayona si Debbie Mae Gamboa maoy namayani alang sa 25-19 nga kadaugan sa USC.
Sa fourth set, nagtabla, 21-21, apan ang spike nila ni Francess Macasero ug lain usab gikan kang Singson ang nagtuboy sa USJ-R ngadto sa ilang kadaugan sa tibuok duwa.
Ang semifinal round sa women’s division mosunod sa round robin set-up. Ang SWU makigbatok sa USC, samtang ang USJ-R mosakbang sa USPF karong Sabado.
Samtang sa girls divison, ang SWU mipukan sa USPF, 25-13, 24-26, 25-12. Ang USJ-R midaog usab batok sa USC, 17-25, 26-24 ug 25-23.
Ang Sacred Heart School-Ateneo de Cebu (SHS-AdC) miharos sa University of Cebu (UC), 26-24, 25-16 ug midaog usab ang USJ-R sa Boys division, 25-7, 25-10, batok sa SHS-AdC.