ADUNAY bag-ong konsepto nga idugang sa 5th Gaisano Anniversary Run nga gikatadka karong Oktubre 30 sa Gaisano County Mall parking area sa Banilad, Cebu City.
Ang lumba, nga tipik sa kasaulogan sa ika-23 nga anibersaryo sa Gaisano Country Mall, mogamit na og bubble and foam theme.
Sa press conference kagahapon sa Lighthouse Restaurant, gipasabot ni race director Joel Baring sa Sports and Fitness Enthusiasts (Safe) nga aduna sab siya’y giusab sa rota ug iya kining gilikay sa Fuente Osmeña gumiikan sa traffic.
Matod ni Charmine Suon-Nograles, Store Operations Manager, nagkanayon nga magbutang sila og tulo ka foam stations. Magbutang niini sa starting ug finish area samtang aduna sa’y lain sa rota.
Ningtambong sab sa press conference sila si Supermarket Manager Sheryl Sia, Foodish Director for Operations Wylie Chavez ug Operation Mobilisation (OM) Philippines national director Sally Ababa.
Ang OM Philippines maoy beneficiary sa lumba sa miaging tulo ka mga tuig.
“Last year we received whiteboards, tables and chairs which are very helpful for the kids. For this year, we are doing outreach feeding program for the out-of-school youth. We need equipments for the feeding program,” matod ni Ababa.
Ang mga kategoriya nga kombatihan sa lumba mao ang men’s and women’s 21K, 15K, 10K ug 5K. Mokabat ngadto sa P1,000 ang kinatibuk-ang ganti sa lumba.