Gawas sa titulo, MVP, ikatulong anak maoy laing award ni Tenorio

SIYA man tuod ang nahimong MVP sa finals apan alang kang Ginebra pointguard LA Tenorio nga kini dili niya mahimo kon dili usab tungod sa iyang mga kauban.

Si Tenorio, sa best-of-seven finals series, nag-average og 17.2 points, 3.8 rebounds ug 4.2 assists matag duwa, aron pangulohan ang Ginebra sa paglangkat sa kampyonato sa PBA Governors Cup 2016.

Bisan tuod og daghan sa iyang mga kaubanan nga mipakita usab og maayong labok ilabi na ang ilang import nga si Justin Brownlee, rookie Scottie Thompson ug ang giila nga Fast and Furious nga panagparis nila ni Mark Caguioa ug Jayjay Helterbrand, apan way pagduda nga si Tenorio maoy pinaka consistent sa maong team.

Sa Game 6 human sa 32-45 nga labaw sa Meralco sa halftime, si Tenorio maoy migiya sa Ginebra sa third quarter, ug miduslit sa rally.

Sa iyang 25 puntos, 21 niini diha niya makuha sa second half, gawass sa lima ka rebounds ug unom ka assists.

Tungod niini, ang Ginebra nakasikit human sa 13 puntos nga labaw sa Bolts hangtod natabla sa naghinapos nga bahin ug didto na tiwasa ni Brownlee pinaagi sa iyang three-point shot.

“Everyone deserved to be MVP,” matod ni Tenorio, kinsa nakaangkon sa iyang unang titulo sa Ginebra ug ikaduhan sa iyang career.

“It could be Jayjay or Mark.” matod niya.

Ang giingong “The Fast and the Furious” maoy rason kon ngaong ang Ginebra miabot sa Game 6 human sa ilang kadaugan sa Game 4 nga maoy nakapabali sa momentum.

“Yun ‘yung nagbigay ng momentum sa amin sa series. That’s how the team works now,” pasabot ni Tenorio. “Every game, hindi isang player lang. Itong game na ito, naging outstanding ang laro ko dahil nagshu-shoot ‘yung mga tira ko eh.”

“[It was] with the help of my teammates. Hinahanap talaga nila ako. I took the challenge,” matod niya.

Way pagduda si Tenorio nga sa dihang gibuhian ni Brownlee ang bola masulod gyud kini dungan sa pag-ampo.

“Pag-release pa lang niya, nagdadasal ako na sana pumasok. Pero the last two possessions, [na-shoot] kasi niya, so I’m very confident na mashu-shoot niya,” “With the help of the Lord na din siguro – gusto ibigay sa amin talaga ito, kaya binigay kay Justin ‘yung shot na ‘yun,” dugang ni Tenorio.

Karon nga natuman na ang iyang pangandoy nga tapuson ang series ug sa samang higayon makuha ang MVP award, si Tenorio makatutok na karon sa laing importanting butang sa iyang kinabuhi.

Kini mao ang paghatag og igong panahon karon sa iyang asawa nga gikatakdang manganak kagahapon sa ilang ikatulong anak nga lalaki.

“Nasa isip ko talaga na I don’t want to play a Game 7,” matod ni Tenorio. “Naisip ko talaga ‘yung baby ko na lalabas bukas (Thursday) eh. Ayoko isipin na ‘yun. Kung magkaroon ng Game 7, iisipin ko pa ‘yun – my wife is in the hospital, my baby is in the hospital.”

“’Yun talaga ‘yung motivation sa akin. Ginawa ko ang best ko for us to win, and maganda rin na nag-respond ang teammates ko. Everyone contributed sa run na ‘yun,” panapos ni Tenorio. JBM/spin.ph