Carzano kampiyon sa 1st Mayor's Cup chess tourney sa Minglanilla

NAANGKON ni Johnny Car­zano ang titulo sa 1st Mayor’s Cup Chess Tournament 2017 sa miaging adlaw sa Minglanilla Sports Complex sa lungsod sa Minglanilla, Cebu.

Nipatigbabaw si Carzano human kini nakatigom og 6.5 puntos sa 7-round Swiss system nga torneyo.

Nagsunod kang Carzano mao si Bobby Quiros, kinsa nakatigom og 6.0 puntos.

Nakaangkon sa ikaduhang luna mao si Martin Kwan, kinsa adunay 5.5 puntos.

Nahiluna gikan sa ikaupat ngadto sa ikasiyam nga pulos adunay 5.0 puntos mao sila si Loyd Sy, Nic Cuizon, Jave Peteros, Hector Villamora, Marionito Abad ug George Villasencio.

Ang torneyo nahimong posible sa paningkamot sa Minglanilla Chess Club Inc. ug LGU Minglanilla, Cebu.

Related Stories

No stories found.
SunStar Publishing Inc.
www.sunstar.com.ph