Hard Court Kings, ARQ Builders nasubhan og kadaugan sa MSBC 2

MASIPANG boto ang ning­sugat sa kampanya sa Hard Court Kings ug ARQ Builders sa San Remigio Beach Club-presented Monday Squad Basketball Club (MSBC) Season 2 niadtong Dominggo sa Casal’s Village gym sa Barangay Mabolo, dakbayan sa Sugbo.

Ningpuntos og 13 matag usa sila si Janjan Auditor, Urleo Rizane ug Michael Balankig aron pangulohan ang kadaugan sa Hard Court Kings ni playing team owner Mark Anthony Ynoc batok sa Tribu, 71-60.

Samtang ang ARQ Builders nagpagawas og maayong teamwork aron pakagingon ang defending champion Silogan Ni Gian, 81-74.

Lima ka mga magduduwa sa ARQ ang ningmugna og double-digit nga puntos pinangulohan ni Darren Gumapac, kinsa adunay 13 puntos.

Nidugang og 12 puntos matag usa sila si Aldrin Fernandez ug Kheldon Sereno samtang nihatag og 10 puntos matag usa sila si JJ Gesalem ug Anton Solon alang sa ARQ.

Sa laing mga duwa, nimugna og 25 puntos si Jefferson Nuevo aron agakon ang MJ-Z Collections 101 sa kadaugan batok sa Aspa, 65-62, samtang nagkumboya og 25 puntos sila si Gerry Monila ug Kenneth Abrantes aron pangulohan ang kadaugan sa In This Corner batok sa Warriors, 61-53.

Sa usa ka exhibition game nga maoy midayandayan sa unang adlaw sa torneyo, nagkumboya og 28 puntos sila si Greg Reston ug Gerald Yncierto aron agakon ang Team Estreba batok sa Team Baring, 50-49.

Ang torneyo giorganisar nila ni Ynoc, James Cabilino, Van de los Santos, Ian Gantuangco, Dominador Lesadio ug Jake Monton.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph