GILAUMANG adunay ma-knockout sa unification bout nila ni Gennady “GGG” Golovkin ug Daniel Jabobs karong udto (RP time) sa New York, USA.
Ang duha ka mga boksidor pulos lehitimong knockout artists. Si Golovkin adunay 36-0, 33KOs nga rekord samtang si Jacobs adunay 32-1, 29KOs nga baraha.
Si Golovkin, kinsa garbo sa Kazahkstan, maoy tag-iya sa World Boxing Council (WBC), International Boxing Federation (IBF) ug International Boxing Organization (IBO) middleweight titles ug gikonsiderar nga inilog ning awaya.
Samtang si Jacobs maoy tag-iya sa World Boxing Association (WBA) middlweight crown.