Cabahug overall champion sa Cebu Dream Cup 2017 | SunStar

Cabahug overall champion sa Cebu Dream Cup 2017

Time to read
less than
1 minute
Read so far

Cabahug overall champion sa Cebu Dream Cup 2017

Monday, March 20, 2017

NALANGKAT ni Keken Cabahug sa Team Cyrus ang overall title sa elite underbone 130 category sa Honda Motorworld Inc-Cebu Dream Cup 2017 nga nahuman niadtong Dominggo sa Kartzone racetrack sa Panagdait, dakbayan sa Sugbo.

Si Cabahug igo ra’ng nag­sunod kang Lyndon Requilme sa Team Mac sa ikaupat ug katapusang leg apan igo na kini aron makuha niya ang overall title. Sa kinatibuk-an, si Cabahug nakatigom og 175 puntos.

Sa nag-unang duha ka legs, si Cabahug nakahakot 34 puntos sa unang leg unya nakatigom kini og 50 puntos sa ikaduha ug hasta sa ikatulong legs. Sa ikaupat nga leg, nakahakot siya og 41 puntos.

Si Zac Lyndon Caneda sa FDR GudMoto nakatigom og 158 puntos aron angkunon ang 2nd overall samtang si Requilme nakakuha og 136 puntos aron dag-ong ang 3rd overall.

Si Simon Spincer Solon of FDR Gudmoto maoy mibira sa overall crown sa elite scooter 130.

Ang kauban ni Solon nga si John Paul Manatad maoy milangkat sa overall title sa beginner scooter 130.

Si Chloe Mallari sa FDR Gudmoto maoy midaog sa Honda Beat Ladies, si Luis Kyle Quindao sa Kool Kid maoy milampos sa beginner Honda Beat samtang si Ralph Armero sa FDR maoy naghari sa Club Race.

Gipatik sa mantalaang Superbalita Cebu Marso 21, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments