Managsuon nga Andrin miharos sa Gatas ni Nanay 10-kilometer run | SunStar

Managsuon nga Andrin miharos sa Gatas ni Nanay 10-kilometer run

Time to read
less than
1 minute
Read so far

Managsuon nga Andrin miharos sa Gatas ni Nanay 10-kilometer run

Monday, March 20, 2017

NINGPATIGBABAW ang mag­suong sila si Cherry ug Lovely Andrin sa women’s 10-kilometer category sa Dagan Para sa Gatas ni Nanay sa Outlets, Pueblo Verde sa Lapu-Lapu City ni­adtong Dominggo sa hapon.

Si Cherry mitali og oras nga 50 minutos ug 53 segundos aron dag-on ang women’s 10K title samtang si Lovely nahiluna sa ikaduhang pinaagi sa oras nga 51:42.

Ang 3rd placer mao si Diana Balungkas kinsa adunay oras nga 54:06.

Naghari sa men’s division 10K mao si Joseph Arnel Emia, kinsa mioras og 37:51. Ang 2nd placer mao si Jezerel Baguio (38:43) samtang ang 3rd placer mao si Michael Sardito (40:14).

Si Lizane Abella, kinsa midaog sa All-Women’s Ultra Marathon (Awum) dili pa lang dugay, maoy midaog sa women’s 5K pinaagi sa oras nga 19:25.

Ang 2nd placer mao si Moira Arella (20:54) samtang ang 3rd placer mao si Michelle Beboso (22:01).

Ang top three sa men’s 5K mao sila si Kenyan James Mebei (16:22), Harold Kim Guiao (17:07) ug ultra runner/policeman Brian Guilllen (17:37).

Ang mga ningdaog sa 1K ca­tegory mao sila si Jona Dela Torre sa Mother/Child.

Gipatik sa mantalaang Superbalita Cebu Marso 21, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments