Fajardo taas pag maabtan sa PBA: Balingit, Aquino | SunStar

Fajardo taas pag maabtan sa PBA: Balingit, Aquino

Time to read
less than
1 minute
Read so far

Fajardo taas pag maabtan sa PBA: Balingit, Aquino

Sunday, June 18, 2017

SA pangutana kon unsaon nila paghulagway ang sama nilang higante nga si 6’10” JuneMar Fajardo, nagkausa ang PBA Legends nga sila si 6’9” Marlou Aquino ug 6’9” Bonel Balingit sa pagtubag og… “suwerte.”

Gipasabot ni Aquino nga suwerte si Fajardo gumikan kay dili na grabe ka pisikal ang mga duwa karon sa Philippine Basketball Association (PBA) kumpara sa ilang panahon.

Sa pisikal nga klase ang du­wa, ang grabeng binun-ogay mahitabo sa ilawom nga bahin nga maoy balwarte sa mga sama nilang sentro.

Gawas sab niini, nidugang si Aquino nga suwerte sab ang pambatong sentro sa San Mi­guel Beermen gumikan kay ning panahuna, pipila na lang ang adunay gitas-on nga sama kanila.

“Mahirap din i-compare ang laro namin kasi nga sa physicality ng game noon, masyadong mahirap ang laro ng centers.”

Si Balingit nakahinumdom pa kon unsa siya ka bun-og dihang nagduwa pa siya sa labing unang professional nga liga sa Asya.

Ang duha ka basketball legends parehong nagtuo nga taas pa ang maabot nga kalam­pusan sa produkto sa UC Webmasters gumikan kay a­­duna kini saktong abilidad gawas sa gitas-on niini.

Si Fajardo kasamtangang three-peat MVP awardee nga usa ka rekord sa PBA. /ESL

Gipatik sa mantalaang Superbalita Cebu Hunyo 19, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments