No. 1 pick sa Celtics gibaylo sa Sixers | SunStar

No. 1 pick sa Celtics gibaylo sa Sixers

Time to read
less than
1 minute
Read so far

No. 1 pick sa Celtics gibaylo sa Sixers

Sunday, June 18, 2017

NING-APIL sa praktis sa Philadelphia 76ers kagahapon ang gituohang mahimong No.1 overall pick sa umaabot nga National Basketball Association (NBA) 2017 Rookie Draft nga si Markelle Fultz.

Ang Boston Celtics maoy nanag-iya sa katungod sa No.1 overall pick apan nakigsabot kini sa 76ers alang sa pagbinayloay og katungod sa draft.

Andam ang Celtics nga makigbaylo sa ilang katu­ngod sa No.1 pick alang sa No.3 pick ug future pick sa 76ers. Si Fultz, kinsa miabot sa praktis sa 76ers nga nagsul-ob og kawo sa Philadelphia, nakigsabot na sab sa mga opis­yal sa 76ers.

Gipasabot ni Fultz nga wala ra siya maghatag og dakong gibug-aton kabahin sa panagsabot sa Celtics ug 76ers. Matod niya gibuhat lang niya ang angayan niyang buhaton.

“I’m truly blessed to be in this position,” batbat ni Fultz. “Whatever happens, I’m looking forward to taking my ta­lents to wherever I go.”

Kon madayon ang kasabutan, hayan masunod ang han-ay sa miaging tuig sa mag-unang upat ka picks – No. 1 Sixers, No.2 Lakers, No. 3 Celtics ug No.4 Suns. AP/ESL

Gipatik sa mantalaang Superbalita Cebu Hunyo 19, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments