Mayweather vs. McGregor 'sumsoman' sa mga estorya | SunStar

Mayweather vs. McGregor 'sumsoman' sa mga estorya

Time to read
less than
1 minute
Read so far

Mayweather vs. McGregor 'sumsoman' sa mga estorya

Monday, June 19, 2017

MINNEAPOLIS –Gisumsoman matag adlaw sa mga Amerikano ang nagkaduol ug kulbahinam nga panagbagat nila ni kanhi pound-for-pound King Floyd “Pretty Boy/Money Mayweather Jr batok Irish mixed martial arts (MMA) superstar Conor “Notorious” McGregor.

Ang duha magsangka sa usa ka boxing event karong Agusto 26 sa T-Mobile Arena sa Las Vegas, Nevada, USA.

Nagkadaiyang bersyon ang giluwatan sa mga tigpaminaw sa NBC Sports Radio program sa Amerika.

Daghang nagtuo nga ya­nong modaog si Mayweather ning awaya apan aduna sa’y mga nag-ingon nga posibleng modaog si McGregor sa usa ka tayming nga kumo.

Si UFC president Dana White nga nahinabi sa Cable News Network (CNN TV) nipahibalo nga walay bisan usa ka sensiyo nga iyang madawat sa away apan naghinamhinam siya nga ang iyang produkto sa UFC makaaway sa boxing sa unang higayon.

Apan si Golden Boy Promotions president ug former boxing champion Oscar Dela Hoya nipahibalo nang daan sa media nga usa ka mismatch kini nga away.

Gani nanawagan si De La Hoya nga i-boycott kini sa fight fans.

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments