Pacquiao 95% na nga andam | SunStar

Pacquiao 95% na nga andam

Time to read
1 minute
Read so far

Pacquiao 95% na nga andam

Monday, June 19, 2017

HAPIT nang maabot ni eight-division world champion Manny Pacquiao ang hingpit nga kondisyon alang sa iyang pagpakigbatok kang Australian Jeff Horn karong Hulyo 2 sa SunCorp Stadium sa Brisbane, Australia.

Nagkanayon ang conditioning coach ni Pacquiao nga si Justine Fortune nga anaa na sa 90 ngadto 95 porsiyento ang kondisyon sa Pamban­sang Kamao sa Pilipinas.

“He is in great condition. He’s about 90 to 95 percent,” matod ni Fortune sa Unang Balita sa GMA 7.

Si Pacquiao talihuman na sa iyang training camp sa General Santos City ug molarga kini paingon sa Brisbane karong Hunyo 24 aron adto na motiwas sa pagpangandam.

“We’ll finish him off next week and then one sparring session in Australia. So Monday, Tuesday, Wednesday, Thursday we’ll finish up with a run and that’s it,” pasabot ni Fortune.

Gipakita ni Pacquiao nga wala gihapon mawala ang iyang kaabtik ug kusog bisan sa iyang pangidaron.

Niadtong Sabado, gipaluka­pa ni Pacquiao ang iyang Mexican sparring partner nga si lightweight Adrian “Chinito” Young.

Usa ka tuo nga uppercut ni Pac­quiao nga miigo sa apapa­ngig ni Young, kinsa nibarag pa­ingon sa pisi una kini natumba.

“Nakakita lang ako ng butas, so naisip ko testingin ko nga kung puwede pa,” Pacquiao pasabot ni Pacquiao sa interbyu Spin.ph.

“Actually and instruction ni Freddie (Roach) was to throw as many combinations as I could. Nabigyan nga ng pagkakataon. Mabuti naman hindi sya (Young) nagkaroon ng injury.”

Malipayon ang kampo ni Pacquiao sa gipakita niini sa training.

“That was a strong, fast, devastating right that smacked the Mexican’s chin which he didn’t see coming,” asoy pa ni Fortune.

Ang trainer ni Pacquiao nga si Freddie Roach nipadayag nga wala ra siya nasurpresa.

“As I’ve been telling you and to those who care to listen, Manny still has what it takes to send anybody to dreamland if he wants to. Plenty of it, actually. He showed it to all of us,” batbat ni Roach.

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments