RP miposte'g 1-1 sa unang adaw sa FIBA 3x3 World Cup | SunStar

RP miposte'g 1-1 sa unang adaw sa FIBA 3x3 World Cup

Time to read
less than
1 minute
Read so far

RP miposte'g 1-1 sa unang adaw sa FIBA 3x3 World Cup

Monday, June 19, 2017

MAAYO ang sugod sa kampanya sa Philippine team sa 2017 FIBA 3x3 World Cup sa Nantes, France apan ngil-ad ang pagtiklop sa unang adlaw niini.

Ang RP Team, nga gipangulohan ni teenage sensation Kobe Paras, niposte og surpresang kadaugan batok sa mas inilog Romania, 21-15.

Apan sa ikaduha nilang tahas, ang mga Pinoy nasugamak sa 11-22 nga kapildihan batok sa host France.

Pinaagi sa ilang mga tira sa gawas, ang France nakabulhot sa 2nd half sa 10 minutos nga kombati aron biyaan ang mga Pinoy.

Ang France kasamtangang ningpatigbabaw sa Pool B dala ang 2-0 nga rekord ug kinatibuk-ang 43 puntos.

Ang RP Team, nga 18th – seeded sa torneyo, nakakombati pa og insakto sa 1st half apan wala nila kapugngi ang mga itsa sa gawas sa France sa 2nd half.

Ang RP Team adunay 1-1 nga rekord ug kinatibuk-ang 32 puntos nga kasamtangang nagpahiluna kanila sa ikatulong dapit sa ilang grupo.

Ang Slovenia maoy naa sa ikaduhang dapit.

Ang mopatigbabaw lang nga duha sa elimination round mao ang makaabante sa sunod nga round.

Ugma maoy labing krusyal nga tahas sa mga Pinoy gumikan kay ilang ikaharong ang Slovenia.

Ang modaog ning sangkaa maoy dako og poruhan nga makaabante.

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments