Santisima nagpanikad | SunStar

Santisima nagpanikad

Time to read
less than
1 minute
Read so far

Santisima nagpanikad

Monday, June 19, 2017

MOSAGUBANG og laing malisod nga tahas si RP no.1 super nantamweight Jeo “Santino” Santisima sa co-main event sa Pinoy Pride 41: The New Generation Warriors boxing promotion nga gikatakda karong Hulyo 8 sa IEC Convention Center sa Mabolo City.

Si Santino, kinsa adunay 13-2-0, 11KOs nga rekord makigbatok kang Tanzanian Goodluck Mrema, kinsa adunay impresibong 16-0, 8KOs).

Gikan niadtong 2014, si San­tisima wala na sab nakatilaw og pilde. Aduna siya’y 73 knock­out percentage.

Sa kasamtangan, si Santisima maoy No.4 contender sa OPBF.

Si Mrema, kinsa bag-o lang milangkat sa iyang Tanzanian title, determinadong moputol sa sunodsunod nga kadaugan ni Santisima.

Matod ni ALA Promotions president/CEO Michael Aldeguer, usa kini ka oportunidad ni Santisima aron ipamatuod ang iyang kaugalingon.

Nagkanayon si Santisima nga nagpanikad na siyang ning awaya gumikan kay mao kini ang labing una niyang co-main event nga tahas.

Masaligon si Santisima nga molampos ning maong tahas.

Sa main event, depensaan ni World Boxing Organization (WBO) International featherweight champ Mark “Magnifico” Magsayo batok Nicaraguan Daniel “El General” Diaz.

Mopakita sab og aksyon batok sa lainlaing kontra ang stablemates nila ni Magsayo ug Santisima sa ALA gym nga sila si “Prince” Albert Pagara, Melvin “Gringo” Jerusalem, KJ Cataraja ug Junrel Jimenez.

Ang promosyon gipasiugdahan sa ALA Promotions ug ABS-CBN.

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments