Tiukinhoy makighugpong sa tanang Cesafi coaches | SunStar

Tiukinhoy makighugpong sa tanang Cesafi coaches

Time to read
less than
1 minute
Read so far

Tiukinhoy makighugpong sa tanang Cesafi coaches

Monday, June 19, 2017

MAKIGHUGPONG si Cebu Schools Athletic Foundation Inc. (Cesafi) Commissioner Felix Tiukinhoy Jr. sa tanang coaches karong Hunyo 21 aron makahulma og maayong format alang sa 2017 season nga sugdan karong Agusto 5 sa Cebu Coliseum.

Gawas sa format, matod ni Tiukinhoy nga maghan-ay og bag-ong mga lagda aron makorehian ang mga sayop nga nahitabo sa miaging tuig.

Sa miaging tuig, ang Southwestern University (SWU) Cobras mingharos pagdaog sa tanan nilang 12 ka mga duwa sa elimination round.

Apan wala kini nakasulod sa finals human napilde sa University of the Visayas (UV) Green Lancers sa round-robin semis.

Ang nasinati sa Cobras wala dayon madawat sa ilang mga sumosunod. Adunay mingsaway nga ang round-robin format sa semi-finals maoy usa sa mga nakaingon niini.

Aduna sa’y mga ningpasangil sa Green Lancers nga tuyong nagpapilde sa University of San Carlos (USC) Warriors sa semi-finals aron matagak ang Cobras sa finals.

Human niini, ang Green Lancers diriyot sab mi-walkout sa usa sa ilang mga duwa human adunay nakasuwat sa samin sa ilang dugout nga nagsilbeng “bahad” ngadto kanila.

“We don’t want to commit the same mistakes we had last year. pasabot ni Tiukinhoy sa interbyu sa Sun.Star Cebu, igsuong buhatan ning mantalaan.

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments