Haruson pagdaog | SunStar

Haruson pagdaog

Time to read
less than
1 minute
Read so far

Haruson pagdaog

Saturday, August 12, 2017

SUWAYAN sa Gilas Pilipinas pagharos og daog ang tanan nilang mga tahas sa group stage sa ilang pagpakigbatok sa Qatar karong gabii sa FIBA Asia sa Beirut, Lebanon.

Ang Gilas nakaseguro na sa No.1 spot sa Group B human sa impresibo nilang kadaugan sa premiro nilang duha ka mga tahas batok sa China ug Iraq.

Batok sa Iraq, nagpagawas na sab og maayong duwa si Terrence Romeo aron pangulohan ang dakong kadaugan sa Gilas, 84-68, niadtong Biyernes.

Sa sayong bahin, bugnaw pa ang duwa ni Romeo ug igo lang kining nakahipos og tulo ka mga puntos human sa halftime diin naglabaw lang og 32-31 ang Gilas.

Apan pagsugod sa 3rd quarter, kalit lang nanginit ang duwa ni Romeo ug gidugkatan niini ang 24-4 run sa Gilas nga maoy nagpalubong og sugod sa Iraq.

Pagkahuman sa duwa, si Romeo nakahipos na og 17 puntos.

Bisa’g unsa pa’y resulta sa duwa sa Gilas batok sa Qatar, ang mga Pinoy nakaseguro gihapon sa No.1 sa Group B nga nagpasabot og mas gaan-gaan nga taha sa quarter-finals.

Puntos matag usa

Gilas Pilipinas (84) - Romeo 17, Standhardinger 16, Cruz 11, Pogoy 9, Norwood 8, Wright 8, Aguilar 5, Jalalon 4, Abueva 3, Almazan 2, Castro 1

Iraq (68) – Galloway 23, Hamzah 12, Al-Khafaji 8, Ismael 6, Hameed 5, Hamad 5, Abdullah 3, Dhafer 2, Talib 2, Alfburi 2. (ESL)

Gipatik sa mantalaang Superbalita Cebu Agosto 13, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments