2 ka mga numero ni Kobe i-retiro | SunStar

2 ka mga numero ni Kobe i-retiro

Time to read
less than
1 minute
Read so far

2 ka mga numero ni Kobe i-retiro

Wednesday, September 13, 2017

DILI usa kon dili duha ka mga numero ang i-retiro sa Los Angeles Lakers alang kang superstar Kobe Bryant.

I-retiro sa Lakers ang duha ka mga numero nga gipanggamit ni Bryant dihang aktibo pa kining nagduwa sa Lakers, ang No.8 ug No.24 karong Disyembre 18 atol sa duwa multi-titled squad batok sa Golden State Warriors sa 2017-18 season sa NBA.

Nagpasabot kini nga wala na’y magduduwa nga makagamit ning mga numeroha ubos sa kampo sa Lakers.

Gigamit ni Bryant ang No.8 gikan sa iyang pagsulod sa Lakers gikan niadtong 1996 hangtod 2006. Human niini, nakadesisyon si Bryant nga mag-ilis og numero ug gigamit niya ang No.24 hangtod na sa iyang pagretiro.

Wala mobalhin og team si Bryant sulod sa 20 niya ka mga tuig nga pagduwa sa NBA.

Si Bryant maoy ika-10 nga magduduwa kansang numero giretiro sa Lakers aron ibitay sa bungbong sa Staples Center apan kini maoy labing unang higayon sa kasaysayan sa NBA nga duha ka mga numero ang giretiro sa usa ka team alang sa usa ka magduduwa.

“Kobe’s jerseys are taking their rightful home next to the greatest Lakers of all time,” pasabot ni Lakers owner Jeanie Buss. “There was never any doubt this day would come. The only question was when. Once again, Lakers fans will celebrate our hero, and once again, our foes will envy the legendary Kobe Bryant.” (AFP, ESL)

Gipatik sa mantalaang Superbalita Cebu Septembre 14, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments