Andam bisan asa | SunStar

Andam bisan asa

Time to read
1 minute
Read so far

Andam bisan asa

Wednesday, September 13, 2017

NAGPABILING abli ang mga opsyon sa ALA Promotions kabahin sa mandatory title defense ni International Boxing Federation (IBF) light flyweight king Donnie Neites batok sa kanhi world champion Juan Carlos Reveco.

“We are open to fighting anywhere. Either late October or mid November,” Nietes’ promoter, matod ni ALA Promotions president Michael Aldeguer sa interbyu sa SunStar Cebu, igsuong buhatan ning mantalaan.

Ang ALA Promotions nagtinguha nga ipahigayon ang away sa Pilipinas apan andam sab sila nga moaway sa Argentina, balwarte ni Reveco.

“We are open to fighting in Argentina or anywhere but we’ll still see if we can bring the fight to the Philippines,” pasabot ni Aldeguer. “We haven’t started talking yet. We are looking at Manila, Davao, Bacolod or Cebu.”

Dili na bag-o alang kang Nietes ang pag-away sa teritoryo sa kontra. Nahimo niya ang malisod nga tahas nga makaposte og kadaugan sa Mexico sulod sa tulo ka mga higayon.

Nadepensaan ni Nietes kanhi ang iyang World Boxing Organization (WBO) mini-flyweight belt batok nila ni Erik Ramirez ug Manuel Vargas niadtong 2009 ug batok ni Mario Rodriguez pagkasunod tuig.

Nidugang si Aldeguer nga posible sab nga mapahigayon ang away sa neutral ground.

“Right now it’s 50/50 as they also want to bring the fight to Argentina. However, because of the popularity and reputation of Donnie, we also have other promoters from the US, Japan and China wanting to stage the fight of Donnie in their country maybe hoping for a future fight with Donnie,” pasabot ni Aldeguer. “We have not talked about the details yet but they sent som feelers.”

Si Nietes, three division world champion, miangkon sa IBF flyweight belt pinaagi sa unanimous decision nga kadaugan batok kang Komgrich Nantapech niadtong Abril sa Waterfront Hotel and Casino sa Lahug, Cebu City.

Si Nietes adunay 40-1-4, 22KOs nga rekord samtang si Reveco adunay 39-3, 19 KOs nga baraha. (EKA, ESL)

Gipatik sa mantalaang Superbalita Cebu Septembre 14, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments