Meralco, Ocampo sulod sa finals | SunStar

Meralco, Ocampo sulod sa finals

Time to read
1 minute
Read so far

Meralco, Ocampo sulod sa finals

Friday, October 06, 2017

GIANGKON ni Ranidel de Ocampo, ang bag-ong nakuha sa Meralco Bolts, nga kiwang gyud kaayo alang kaniya kon ang iyang kanhi team nga TNT Ka Tropa maoy ilang masangka sa finals sa PBA Governors’ Cup.

Niadtong Huwebes, giharos sa Bolts ang Star Hotshots, 91-88, aron pagtapos sa ilang semifinals series, 3-0, pinaagi sa overtime aron langklaton ang unang lingkuranan sa finals sa Araneta Coliseum.

Sa maong duwa, si Ocampo mitali og 13 puntos lakip na angiyang tres sa overtime period nga maoy nagpapas sa 13 puntos nga labaw sa Star.

Alang ni Ocampo kini maoy una niyang pagtaak sa finals human sa iyang unom ka titulo ubos sa TNT.

“Iba ang pakiramdam dati kasi pag nag-finals, TnT ako,” matod niya sa post-game interview nga napatik sa Spin.ph. “Willing ako at excited na makatulong sa Meralco. Gagawin ko ang lahat para makatulong sa team, pero binibigay ko lahat ng credit sa teammates ko.”

Kon kahinumdoman, nakuha sa Bolts ang kanhi sakop sa Gilas pinaagi sa trade sa elimination round.

Matod ni coach Norman Black nga ang paghiabot ni De Ocampo nakahatag og dakong tabang sa ilang team.

“Getting a player of his caliber that late in the conference particularly when you’re winning games and playing well, was a big lift for us down the stretch,” padayang sa beteranong coach kinsa nakahagdaw na usab og daghang titulo. “Obviously, it’s not over yet, but he’s a big lift for us.”

Sa niaging conference, si De Ocampo nakataak usab sa finals sa dihang ang TNT nakigsangka sa San Miguel sa Commissioner’s Cup.

Dako usab ang posibilidad nga ang TNT maoy ilang masangka sa finals. Ning pagsulat, ang KaTropa nakigsangka sa defending champion Barangay Ginebra sa Game 3 sa ilang kaugalingong semifinals series nga nagtabla, 1-1.

Sa dihang gipangutana kon unsa nga team ang gusto niyang ikaharong sa best-of-seven finals, si Ocampo nagkanayon “kahit sino,” ingon niya. “Pero siyemrpe kinakabahan ako pag naglalaro ang TNT, matagal akong naglaro doon kahit paano.”

“Pero sana ngayon naman may TNT-Meralco para may histo­ry naman nito sa finals.” (JBM)

Gipatik sa mantalaang Superbalita Cebu Oktubre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments