Kombati pormal nga sugdan na | SunStar

Kombati pormal nga sugdan na

Time to read
1 minute
Read so far

Kombati pormal nga sugdan na

Friday, November 10, 2017

ANG swimming ug athletics event ang gipanglantawan sa mga Sugboanong atleta nga maoy ilang unang makuykoyan sa gold medal sa dihang pormal nga sugdan karong adlawa ang kombati sa 2017 Batang Pinoy Visayas Qualifiers nga ipahigayon sa managlahing dapit sa dakbayan sa Dumaguete.

Ang athletics event ipahigayon sa Gov. Mariano Paredes Memorial Stadium samtang ang swimming adto usab sa Lorenzo G. Teves Memorial Aqua Centers.

Ang Cebu Province malaumon og dako sa athletics diin moparada sila og 17 ka tracksters sa 15-under ning kompetisyon nga giorganisar sa Philippine Sports Commission (PSC).

“Apil ta sa tanang events sa track and field. Gipangandaman gyud ni sa atong team. Maayo unta og dinhi maka-contribute og daghang medals para sa Cebu Pro­vince,”matod ni coach Francis Berizo said in Cebuano.

Ang Cebu Province track and field team gilangkuban sa siyam ka babaye ug walo ka lalaki gikan sa Camotes, Daan Bantayan, Minglanilla, Oslob ug mga estudiyante sa Sacred Heart School-Ateneo de Cebu (SHS-AdC) sa Mandaue.

Ang Cebu City Niños, sa ilang bahin, masaligon usab nga malihian og maayong pagsugod ang ilang team sa athletics diin aduna usab silay 18 ka mga tracksters nga mokombati - 10 sa boys ug walo sa girls class.

Ang Cebu Province Sports Commission (CPSC) nga gipangulohan ni executive director Atty. Ramil Abing malaumon nga makapili og mga dekalidad nga mga players alang sa Cebu Province.

Mosugod usab ang elimination rounds sa archery, arnis, badminton, baseball, basketball, boxing, chess, dancesports, karatedo, lawn tennis, pencak silat, sepak takraw, softball, table tennis, taekwondo, volleyball ug beach volleyball karon.

“We’re hoping to get good number of qualifiers for the Batang Pinoy Championships in February next year,” amtod ni Abing.

Moabot ngadto sa 2,500 athletes gikan sa 43 ka mga siyudad ug lungsod sa Visayas Region sa tinuig nga kompetisyon. (RSC)

Gipatik sa mantalaang Superbalita Cebu Nobyembre 11, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments