Opening sa PBA 2018 mauswag? | SunStar

Opening sa PBA 2018 mauswag?

Time to read
1 minute
Read so far

Opening sa PBA 2018 mauswag?

Tuesday, November 14, 2017

ADUNAY posibilidad nga ma-postpone ang sa ika-43 nga season sa Philippine Basketball Association (PBA) nga gikatakda unta karong Disyembre 17.

Kini tungod kay hangtod karon wa pa gihapon mahusay ang panagbangi sa mga sakop sa board nga naglambigit sa kontrobersiyal nga commissioner nga si Chito Narvasa.

Daghan pang mga resolution ang wala ma resolbar sa mga opisyales nga alang sa umaabot season. Kagahapon mao unta ang adlaw sa ilang planning session didto sa Los Angeles, California pero mbot og nagka-quorom ba kay sa uwahi natong nasayran upat ka mga sakop sa board, lakip na ang incoming chairman wa pa man mopakita.

Ang dakong isyu nga sulbaronon sa board mao kining tinguha karon sa lima ka board nga ma-retain si Narvasa samtang pito ang hugot nga misupak.

Samtang ang walo nga nagpahigayon lang una og formal talks, mao sila si Robert Non sa San Miguel Board, Alfrancis Chua (Ginebra), Rene Pardo (Hotshot), Erick Arejola (GlobalPort), Bobby Rosales (Kia), Ryan Gregorio (Meralco), Richard Bachman (Alaska) ug Silliman Sy (Blackwater).

Ang upat nga pa mopakita hangtod ning pagsulat mao sila si incoming chairman Ramoncito Fernandez (NLEX), Mamerto Mondragon (Rain orShine), Raymond Zorilla (Phoenix) ug Ricky Vargas (TNT).

Matod pa sa kasaligang ti­nubdan nga nagpadayon diay gihapon si Narvasa sa iyang gimbuhaton isip commissio­ner.

Hinuon, natural lang ni kay wa pa man gyud siya hingpit nga madispatsar. Sa ato pa status quo ang iyang sitwasyon karon.

Manghinaot lang ta nga mahatagan kini og igong kasulbaran, kon mahimo sa madaling panahon.

Kon dili pa lang unta ni magpapugong si Narvasa ug magbaton na lang unta siya og kaikog ug delikadisa, di unta modako ning sitwasyona.

Pero mora mag nagpabaga sa iyang nawong ang komisyo­ner bisan og daghan nang wala makagusto sa iyang dinad-an, ilabi na ang mga fans, aw di kalikayan nga apektohan gyud ang lega niining kalakiha.

● ● ●

Taliwala ning kagubot, duna nay gihan-ay daan nga mga plano sa scheduling sa PBA. Ang nasabutan sa board sa wala pa manglarga paingon didto sa US nga ang mga kalihukan sa PBA All-Star ipahigayon ngadto sa mga probinsiya.

Duna nay mga promoter sa Mindanao ug didto usab sa Lu­zon area ang misanong ug mi­kompirmar nga sila ang mo-host pero wa pay timik ang Visayas.

Mora og duna siguroy mitagam nga promoter dinhi sa Sugbo kay wa tingali mokita ang iyang mga promotion sa mga duwa sa PBA.

Unsaon nga isnaban man ang mga media nga dako mao untay makatabang sa iyang promotion. (junmigs0622@yahoo.com)

Gipatik sa mantalaang Superbalita Cebu Nobyembre 15, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments