James, Curry nag-una sa NBA All-Star voting | SunStar

James, Curry nag-una sa NBA All-Star voting

Time to read
less than
1 minute
Read so far

James, Curry nag-una sa NBA All-Star voting

Friday, January 12, 2018

SILA si LeBron James sa Cleveland Cavaliers ug Stephen Curry sa Golden State Warriors ang nag-una karon sa posibling ma­pillian sa matag conference nga team captains alang sa All-Star Game sa Los Angeles, sigon sa resulta sa botasyon.

Si James ug Curry sa kasamtangan maoy nag-una sa botasyon sa mga fans nga moabot na og 50 porsiyento sa balota aron pagdeterminar sa napulo ka starters sa All-Star Game karong Pebrero 18 didto sa Staples Center.

Ang mga aktibong NBA pla­yers ug mga panel sa basketball media maoy mikompleto sa botasyon nga tapuson na karong Lunes.

Sa ikaduhang tali, si James mihagdaw og 1,622,838 votes nga gamay lang og labaw ni Giannis Antetokoumpo (1,480,954) sa Eastern Conference ug sa overall.

Nagsunod nila sa East mao sila si Joel Embiid (784,287) sa Philadelphia ug Kristaps Porzingis (640,928) sa New York Knicks. Si Kyrie Irving sa Boston Celtics ikatulo sa conference nga may 1,370,643 votes.

Sa Western Conference, si Curry nakakolekto og 1,369,658 botos nga gamay ra usab kaayo og labaw sa iyang kauban nga si Kevin Durant (1,326,059). Ikatulo ang star sa Houston Rockets nga si James Harden nga nakakuha og 978,540 botos ug Russel Westbrook sa Oklahoma City Thunder nga may 791,332.

Sa bag-ong format sa All-Star Game, ang nag-unang player sa matag conference maoy mahimong team captain ug hatagan og katungod sa pagpili kon kinsa ang molangkob sa iyang team gikan sa mga gibotaran isip starters ug reserves. (JBM)

Gipatik sa mantalaang Superbalita Cebu Enero 13, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments