Pacquiao-Alvarado bout sa Abril? | SunStar

Pacquiao-Alvarado bout sa Abril?

Time to read
less than
1 minute
Read so far

Pacquiao-Alvarado bout sa Abril?

Saturday, January 13, 2018

NAKADESISYON si Top Rank boss Bob Arum nga hatagan una og tune-up bout batok sa usa ka dekalidad nga kontra si Filipino boxing icon Manny Pacquiao una kini iparang sa modaog sa umaabot nga away nila ni Terrence Crawford ug Jeff Horn.

Kusog ang hugonhugon nga si kanhi world champion Mike Alvarado maoy gipun­terya ni Arum aron ikontra sa Pambansang Kamao, taho sa www.boxingscene.com.

Human siya napilde ni Brandon Rios niadtong 2015, si Alvarado mibangon ug miposte kini’g upat ka sunodsunod nga impresibong kadaugan.

Nahibalik na ang dedika­­­­syon ni Alvarado sa boksing ug mao kini ang nakapahimo kaniya nga delikadong kontra alang kang Pacquiao.

Dili ikalimod nga usa ka world class boxer si Alvarado kinsa sa uwahing upat niya ka away, tulo niini ang iyang gipang-knockout ug usa ang iyang nadaog pinaagi sa majority decision. Hinuon napildi siya nila ni Brandon Rios, Juan Manuel Marquez ug Roslan Provodnikov. (ESL)

Gipatik sa mantalaang Superbalita Cebu Enero 14, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments