ISIP kabahin sa global promotions, mga boksidro nga di lang gikan sa ALA gym ang mopakita usab og aksyon ubos sa ALA Promotions.
Human ang two-time world champion nga si Katsunari Takayama sa Japan, kanhi world champion Florante Condes sa Philippines ug ingon world contender Jimrex Jaca, laing grupo na usab ang gitanyagan sa ALA Promotions.
Sa usa ka panagtigom sa Casino Espanol de Cebu, si ALA Promotions chairman Antonio Aldeguer ug President Michael Aldeguer nakighugpong ni Manny Pinol, ang chief boss sa Brave Heart Boxing stable, alang sa hiniusang kasabutan.
“I see ALA Promotions as the biggest and most capable promotional outfit in the Philippines comparable to Zanfer Promotions of Mexico,” matod sa press release sa kampo sa ALA nga nagkutlo sa gipamahayag ni Pinol.
Isip promoter sa mga Brave Heart boxers, ang ALA Promotions maoy mohatag og saktong exposures sa ilang mga boksidor dinhi sa nasod ug ingon man sa abroad.
“This is a very positive thing for Philippine boxing. I believe that the Philippines have one of the most talented boxers around and I have always pictured our country to be the next boxing Mecca of the world,” ni Michael pa. PR