Donaire gustong patak-umon si Rigondeaux

GITATAW ni World Boxing Organization (WBO) super bantamweight champion Nonito “The Filipino Flash” Donaire nga kon dili madayon ang ilang unification bout ni Mexican Abner Mares, mapugos gyud siya sa pagpakigbatok kang Cuban Guillermo Rigondeaux.

Gipasabot ni Donaire nga mas halinon sa mga tawo kon sila si Mares, tag-iya sa World Boxing Council (WBC) super bantamweight title, ang magsangka sa usa sab ka unification bout.

Aces mitabla

GIBAWSAN sa Alaska Aces ang defending champions Talk N’ Text Tropang Texters, 100-88, sa miaging gabii sa Game 2 aron tablahon ang ilang best-of-seven semi-finals series sa Philippine Basketball Association (PBA) 2012 Philippine Cup sa Araneta Coliseum.

Si Jvee Casio nakabawi sa dili kaayo maayo niyang duwa sa Game 1 ug gipangulohan niya ang kadaugan pinaagi sa iyang 22 puntos samtang ang eksplosibong rookie nga si Calvin Abueva nidugang og 20 puntos.

Sunsport training, Dec. 26-30

ARON pagpalapad sa ilang pagtudlo sa mga kabatan-onan, ang Sunsport Basketball Training Camp 2012 motapon diha sa dakbayan sa Bogo.

Sugod karong Disyembre 26 ngadto sa Disyembre 30, ang naila na kaayong training camp sa Sugbo mopahigayon og lima ka adlaw nga sunodsunod nga training session sa mga bata nga himuon diha sa Don Celestino Martinez Sr. Sports and Cultural Center.

Tunacao vs. Esquivel

SAGUBANGON na ni Japan-based Mandauehanon Malcolm Tuñacao ang laing kahigayunan aron makaaway siya pagbalik alang sa world title bout.

Ang gitawag og Eagle Eye, kinsa adunay 31-2-3, 19KOs nga baraha, makigbatok kang Mexican Christian Esquivel (25-3, 18KO’s) sa World Boxing Council (WBC) bantamweight eliminator karong gabii sa Japan.

San Mig nakabawos

NAGKUMBOYA sila si James Yap ug Joe Devance og 28 puntos sa third quarter ug ang San Mig Coffee Mixers mibawos sa Rain or Shine Elasto Painters, 106-82, kagabii sa SM Mall of Asia Arena.

Sa kadaugan, ang Coffee Mixers ug ang Elasto Painters nagtabla na sa ilang best-of-seven semifinals series, 1-1.

Sa pagkasuspenso ni Pacquiao, Arum motutok ni Donaire

NAGKANAYON si Top Rank boss Bob Arum nga wala pa nakaabot si World Boxing Organization (WBO) super bantamweight champion Nonito Donaire sa kalibre ni 8-time world champion Manny Pacquiao.

Apan gitataw sa beteranong boxing promoter nga hapit na kining mahitabo.

THUNDER MILANOG

NAKULIT sa Oklahoma City Thunder ang ilang ika-12 nga sunodsunod nga ka­daugan human nila patugpaha ang Atlanta Hawks, 100-02, kagahapon. Si Kevin Duran mipahag­sa og 41 puntos ug 13 ka re­bounds samtang si Russel Westbrook mikutlo og 27 puntos, 21 niini sa first half, ug mipakatap og 11 ka assists.

Niini, natablahan na sa Thunder ang franchise record nga nahimo sa maong team niadtong didto pa kini sa Seattle diin mikablit og 14 ka sunodsunod nga daog sa tuig 1996.

Tyson, Roach, uban pa Hall of Famers na

GIBANTOG sa Nevada Baxing Hall of Fame ang mga bangiitang boksingero nga mao sila Mike Tyson, Oscar De La Hoya, “Sugar” Ray Leonard, Larry Holmes og Julio Cesar Chavez.

Ang piniliay nahadangat sa board of directors sa grupo uban sa mga seremonyas nga pagasaulogon sa sunod nga tuig.

Nowitzki balik ensayo na

ANG Mavericks star forward nga si Dirk Nowitzki mi-apil na sa praktis sa labing unang higayon sukad kini gi­paubos sa arthroscopic knee surgery apan dili pa hinuon siya andam sa iyang season debut hangtod matapos ang pasko.

“We’ll just see how it goes,” matud pa ni Nowitzki, nga bag-o lang gi-operahan niadtong Oktubre 19. “This is the first day stopping, pushing off, moving. We’ll see how it reacts. I’m going to do that a couple times, and do some contact for a while.

Aces, Coffee Mixers andam na mobawos

TALIWALA sa ilang kapildihan sa Game One, mosulod sa korte ang Alaska Aces karong gabii nga taas og moral nga makigbatok sa defending champion ug inilog nga Talk ‘N Text Tropang Texters sa Game 2 sa best-of-seven semifinals sa PBA Philippine Cup sa Mall Of Asia Arena.

Katorse segundos na lang gyud unta nga makab-ot sa Aces ang makapakaging nga kadaugan batok sa Texters sa Game One, apan napakgang kini ni Texters human sa wa damha mipabuto og tres sa Ryan Reyes nga maoy nakahatag og 66-65 nga kadaugan sa Talk ‘N Text.

Koncz, Fernandez gipangkiha sa Getty photographer

NAG-ATUBANG karon og kaso ang adviser ni Manny Pacquiao nga si Michael Koncz ug ang suod nga higala ug trainer niini nga si Buboy Fernandez.

Ang nagpasaka og kaso mao ang Getty Images, nga nagtumbok nila ni Koncz ug Fernandez nga midapat sa ilang photographer nga si Al Bello human gi-knockout si Pacquiao ni Mexican Juan Manuel Marquez niadtong Disyembre 9 sa Las Vegas, USA.

TNT nakaipsot

NAGPABUTO og three-point bomb sa nahabiling 14 segundos si Ryan Reyes aron aswaton ang defending champions Talk N’ Text Tropang Texters ngadto sa 66-65 nga kadaugan batok sa Alaska Aces sa pagsugod sa ilang semi-finals series sa Philippine Basketball Association (PBA) Philippine Cup sa Araneta Coiliseum.

Donaire miabot

NIABOT sa nasod kagahapon sa buntag si World Boxing Organization (WBO) super bantamweight champion Nonito “The Filipino Flash” Donaire gikan sa iyang impresibong 3rd round knockout nga kadaugan batok kang Mexican ve­teran Jorge Arce niadtong Dominggo sa Houston, Texas.

Sa iyang paghiabot, mapasalamaton kaayo di Donaire sa suporta nga iyang nadawat gikan sa iyang mga kababayan.

PBA semis na

MGA duwa karon

5:15 pm – Talk ‘N Text batok Alaska 7:30 pm -  Rain or Shine batok San Mig

2012 Naga City Sports Festival gisugdan

PORMAL nga gisugdan niadtong Lunes ang 2012 Local Go­vernment Unit (LGU) City of Naga Sports Festival nga salmotan sa nagkalainlaing departamento sa maong dakbayan.

Ang parade sa mga atleta uban sa ilang tagsatagsa ka mga muse maoy mipatid aron sa pag-abli sa maong kalihukan.

Maanindot nga gasa

NAGPAKAHILOM ra si world super bantamweight champion Nonito Donaire kabahin sa iyang poruhan nga modaog sa “Fighter of the Year” award apan iyang giangkon nga dako kining dungog kon iyang makuha.

“It’s an honor and it would be a great gift,” asoy ni Donaire sa interbyu sa www.boxingscene.com.

RoS mi-knock out sa Gins

Mga duwa ugma: (Araneta Coliseum)

5:15 p.m. – Talk ‘N Text   vs.   Alaska (Game One)7:30 p.m. -  Rain or Shine vs.  San Mig (Game One)

Barrera posibli mobisita sa Sugbo

KON madayon ang plano, mobisita dinhi sa Sugbo si Mexican legend Marco Antonio Barrera alang sa “Pinoy Pride XVIII” nga gikatakda karong Pebrero sa sunod tuig sa Waterfront Hotel sa Lahug, Cebu City.

Sa main event sa promosyon, nga pasiugdahan sa ALA Promotions ug ABS-CBN, depensaan ni ALA fighter World Boxing Organization (WBO) light flyweight champion Donnie “Ahas” Nietes batok sa boksidor nga gi­dumala ni Barrera.

Donaire angayan nga maoy FOY: analyst

ALANG sa boxing analysts, angayan lang nga pasidunggan si World Boxing Organization (WBO) super bantamweight champion Nonito Donaire isip Fighter of the Year sa tuig 2012.

Dili bastabasta ang nahimo sa gitawag og The Filipino Flash ning tuiga diin kaupat siya nakig-away ug midaog batok sa dekalidad nga mga boksidor.

‘Pinas nakabawos

HINGPIT nga panimalos ang gihatag ni Nonito Donaire alang sa Pilipinas dihang iyang gi-knockout sa 3rd round si Mexican Jore Arce aron depensaan ang iyang World Boxing Organization (WBO) super bantamweight title kagahapon sa Toyota Center sa Houston, Texas.

Ang impresibong kadaugan sa The Filipino Flash igo na kaayo aron makapahupay sa kasakit nga gibati sa mga Pinoy sa miaging semana dihang gi-knockout ni Mexican Juan Manuel Marquez sa 6th round ang Pambansang Kamao sa Pilipinas nga si Manny Pacquiao.

Rain or Shine sa semis;

Mga duwa karon: (Mall of Asia Arena) 5:15 p.m. – Barako Bull vs.   Rain or Shine 7:30 p.m. -  San Mig vs.   Globalport

Human ma-knocked out ni Donaire, Arce andam na moretiro

GIANUNSYO ni Mexican Jorge Arce ang iyang pag­retiro og sayo human siya bangis nga gi-knockout ni Nonito “Filipino Flash” Donaire sa 3rd round sa ilang away kagahapon sa Toyota Center sa Houston, Texas.

Hinuon ang kapildihan dili makapugong aron mahiluna si Arce, 33, sa International Boxing Hall of Fame sa umaabot.

Baharay

KINSA kahang bahad ang matuman?

Matubag kini karong adlawa sa panagharong nila ni Nonito “The Filipino Flash” Donaire (30-1,19KOs) ug Mexican Jorge Arce (61-6-2, 46KOs) sa Toyota Center sa Houston, Texas.

Marquez sa Palasyo

LAING panghitabo ang nahitabo nga dili na sab hikalimtan ni Mexican Juan Manuel Marquez gawas sa iyang 6th round knockout nga kadaugan batok kang Filipino Manny Pacquiao.

Kagahapon, si Marquez maoy labing pinasidunggang dinapit sa presidente sa Mexico nga si Enrique Peña Nieto sa National Palace, unom ka mga adlaw human gisurpresa niya ang kalibutan sa boksing.

Mares wala molaban sa iyang kababayan

MODAPIG si Mexican fighter Abner Mares kang World Boxing Organization (WBO) super bantamweight king Nonito “The Filipino Flash” Donaire sa pagpakigbatok niini sa laing Mexican nga si Jorge Arce karong adlawa sa Toyota Center sa Houston, Texas.

Gipasabot ni Mares nga gusto gyud niyang si Donaire maoy modaog ning awaya aron magkaharong sila sa umaabot.

Sorry: Buboy, Koncz

PAREHONG nangayo og pasaylo ang mga batos ni Manny Pacquiao nga sila si advisor Michael Koncz ug trainer Buboy Fernandez ngadto sa usa ka photographer, kinsa gikataho nga ilang nadapatan.

Nahitabo ang insidente human gipa­tikangkang ni Mexican Juan Manuel Marquez si Pacquiao sa 6th round sa ikaupat nilang away niadtong Dominggo sa Las Vegas, USA.

Manny sa Sept. makaaway

KINAHANGLANG mag­huwat pa og dugay si 8-time world champion Manny Pacquiao una siya makaaway’g balik human siya gisuspenso sa Nevada State Athletic Commission (NSAC).

Ang NSAC mipahamtangan og 120 ka mga adlaw nga suspensyon ngadto sa Pambansang Kamao sa Pilipinas gumikan sa brutal nga 6th round knockout nga kapildihan niini batok kang Mexican Juan Manuel Marquez ning bag-uhay lang sa Las Vegas, USA.

PBA Legends v. Bogo team

MGA molupyo sa dakbayan sa Bogo ang makahigayon sa paghimamat sa ilang mga idolo sa PBA sa dihang ipahigayon na karong gabii ang Dream Match: PBA Legends vs. Bogo Selection sa Don Celestino Martinez Sports Complex sa maong siyudad.

Ang PBA Legends langkuban sa mga ex-PBA players nga nakahatag og dakong pangalan sa unang professional league sa Asia sama nila ni Jerry Codinera, Bonel Balingit ug Nelson Asaytono.

Heat gipakaging

MIGAMIT ang Golden State Warriors og linahi nga diskarte pinaagi sa ilang rookie player ug ila usab gipahimuslan ang kahugot sa ilang depensa aron pakagingon ang defending champion Miami Heat.

Si Raymond Green, ang ilang second-round draft pick nga gikan sa Michigan State, mipabuhagay og bayanihong layup sa katapusang 0.9 segundos nga maoy nag-aswat sa Warriors ngadto sa 97-95 nga kadaugan batok sa Heat.

Photographer giatake ni Buboy ug Koncz?

GIKONDENAR sa Natio­nal Union of Journalist of the Philippines (NUJP) ang pag-ataki sa adviser ni Manny Pacquiao nga si Michael Koncz ug assistant trainer Buboy Fernandez ngadto sa photojournalist kinsa mikuha og hulagway sa dihang na-knockout si Pacquiao human maigo sa walop ni Juan Manuel Marquez.

Matod sa NUJP nga way katungod ang duha sa pag-ataki ni Al Bello, photographer sa Getty Images.