Sorry: AJ

ANG pagpangayo og pasaylo maoy unang nasulti ni AJ “Bazooka” Banal ngadto sa iyang manager ug ingon man ngadto sa yutang Pi­li­pinhon mga pipila ka minutos human ma­angkon ang masakit nga kapildihan sa iyang WBO Bantamweight world title fight niadtong Sabado sa Mall of Asia Arena, Pasay City.

Si Banal (28-2-1) nasugamak sa mga kamot sa Thailander nga si Pungluang Sor Sing­yu (43-1) pinaagi sa technical knockout sa 1:45 segundos sa ikasiyam nga round sa maong title fight nga dugay na gyud untang gihandom sa 24 anyos nga taga Ermita, dak­bayan sa Sugbo.

Express nakuryente sa Bolts

MIARANGKADA og maayo ang Meralco Bolts sa katapusang period aron kuliton ang 85-72 nga kadaugan batok sa Air 21 Express sa 38th PBA Philippine Cup sa SM Mall of Asia Arena sa Pasay City.

Sila si Solomon, Mark Cardona ug ang beterano nga si Reynel Hugnatan maoy mitrabaho sa depen­sa aron limitahan ang Ex­­press ngadto sa siete pun­tos lang sa unang otso minutos sa fourth quarters.

Donaire mi-congrats sa Pinoy Pride casts

GI-CONGRATULATE ni world super ban­tam­­weight champion Nonito “The Filipino Flash” Donaire ang Pinoyng mga boksidor nga ningpa­kita’g aksyon sa “Pinoy Pride XVII: Philippine vs. the World lakip na si AJ “Bazooka” Banal, kinsa na­pak­yas sa main event sa promosyon.

Si Donaire, kinsa presko pa gikan sa iyang impre­si­bong 9th round TKO nga kadaugan batok kang Japa­nese boxing hero Toshiaki Nishioka, maoy sa mga commentator sa promosyon.

ARCE WA’Y BILIB KANG DONAIRE

GIPADAYAG ni Mexican fighter Jorge Arce nga wala gyud siya’y bilib sa abilidad ni world super bantamweight champion Nonito Donaire bisan pa sa sunodsunod nga dagkong mga ka­daugan sa gitawag og The Filipino Flash.

Matod ni Arce nga nakaposte lang og su­nodsunod nga kadaugan ang gikonsiderar nga sumosunod ni Manny Pacquiao gumikan kay pulos hadlok moaway ang iyang mga nakontra.

Morales hagbong sa drug test

POSITIBO si kanhi world champion Mexican Erik Morales sa gipahigayong random drug test pipila ka mga adlaw sa dili pa sila magsangka si Danny Garcia.

Nagkanayon si Golden Boy Promotions executive Richard Schaefer nga nadiskubrihan sa US Doping Agency (USADA) nga adunay “irregularities sa A sample ni Erik Morales.”

Dodie Jr., Farenas sa undercard

ADUNAY duha ka mga Pinoy nga moaway sa undercard sa ikaupat nga panagharong nila ni 8-time world champion Manny Pacquiao ug Mexican Juan Manuel Marquez karong Disyembre 8 sa MGM Grand sa Las Vegas, USA.

Gipangtumbok mao sila si Dodie Boy Peñalosa Jr. (9-0, 9KOs) ug Michael Farenas (34-3-4, 26KOs), pulos sakop sa gipanag-iya ni kanhi two-time world champion Gerry Peñalosa nga GerryPens Promotions.

Pres. Aquino nagsunod sa kalambuan sa Gilas

WALA man tuod siya nasigpatan nga nagtan-aw og mga duwa sa professional ug collegiate basketball apan usa ka dakong basketball fan si Presidente Benigno “Noynoy” Aquino III.

Usa ka opisyal sa Malacañang nagkanayon nga nagsunod gyud si Aquino sa kalambuan sa Smart Gilas Pilipinas.

Kumo na'y mohukom

PASAY City - Human sa pipila ka adlaw nga binaharay, ang binayloay sa kumo mao na’y modesider kon kinsa gayud ang molampos paglangkat sa WBO World Bantamweight title karong gabii sa dihang mag-abot na ibabaw sa ring si Ala Boy AJ “Bazooka” Banal (28-1, 20 KOs) ug si Thai Pungluang Sor Singyu (42-1, 27 KOs) sa main event sa Pinoy Pride XVII: Philippines vs. The World sa Mall of Asia Arena, Pasay City.

Yayoy mokuha’g import

NAGLARAW si M.Lhuillier Kwarta Padala-Cebu Niños coach Raul “Yayoy” Alcoseba nga mokuha og import alang sa ilang pagpakigbatok sa San Miguel Beermen sa duha ka mga adlaw nga exhibition games karong OKtubre 26-27 sa Cebu Coliseum.

Nagkanayon si Alcoseba nga ilaha kining buhaton aron makaparang og insakto batok sa Beermen, nga nagpreparar alang sa umaabot nga ASEAN Basketball League (ABL) 4th season.

MS Motosuit mag-underbone kaabag ang FDR

HUMAN sa daghang katuigan, nakadesider si MS Motosuit head Lou Ornopia nga mobiya sa pagpahigayon og motocross competition aron motutok sa laing natad nga lumba sa motorsiklo – ang underbone racing.

Sa usa ka informal nga panaghugpong sa miaging gabii sa Café Laguna, nagkanayon si Ornopia nga tiwason na lang niya karong tuiga ang dugay na niyang gipasiugdahan nga MS Motosuit Motoross Series.

BAHARAY!

MANILA - SA ikaduha nilang panag-abot, wa’y pupanagana nga gi­baharan gilayon ni Thai Pung­lu­­ang Sor Singyo si ALA Boy AJ “Ba­zooka” Banal sa ilang WBO World Bantamweight championship fight sa Pinoy Pride XVII: Philippines vs. The World ugmang adlawa sa SM Mall of Asia Arena sa Pasay City.

Sa katapusang press conference kagahapon nga gipahigayon sa Midas Hotel sa Roxas Boulevard, si Sor Sing­yo mipasalig atubangan sa mga media nga iyang ma-knockout si Banal sulod o sa ikaunom nga round.

Birthday motocross karong Dominggo

MAGKATAPOK na sab ang dekalidad nga riders sa nag­ka­lainlaing suok sa nasod sa pagpahigayon sa 1st Keiz BJ Motors and Phoenix Cyclomax Titan Motocross Series karong Dominggo sa Brgy. Caduawan, lungsod sa Tabogon, Cebu.

Ang usa ka adlaw nga kom­petisyon naatol sa adlawng natawhan sa sumosulbong nga Cebuano rider nga si Brylle Or­no­pia ug piyesta sa Caduawan agi’g pahinungod kang Mama Maria.

Nishioka moretiro

GIKATAHONG moretiro na si kanhi world super bantamweight champion Japanese Toshiaki Nishioka human sa iyang 9th round TKO nga kapildihan batok kang Nonito “The Filipino Flash” Donaire ning bag-uhay lang sa Carson, California USA.

Niini, hinayhinay na gyung nakasunod si Donaire sa lakang ni 8-time world champion Manny Pacquiao, kinsa pipila na sab ka dekalidad nga mga boksidor ang giparetiro sama nila ni Marco Antonio Barrera, Oscar De La Hoya, ug Ricky Hatton.

Migallen: Unang panag-abot

SA UNANG higayong, mag-abot sa usa ka press conference ang tanang protagonista sa Pinoy Pride XVII: Philippines vs. The World nga gipanguluhan sa unang world champion fight ni AJ Banal batok sa giilang banggiitang Thailander nga si Pungluang Sorsingyo nga gikatakda karong Sabado sa SM Mall of Asia Arena sa Manila.

Guidaben giataki sa kasingkasing

ANAA sa delikadong kahimtang si Philippine Basketball Association (PBA) legend Abert Guidaben human kini na-stroke sa Amerika.

Kini maoy ikaduhang higayon nga nabutang sa makuyaw nga kahimtang sa kinabuhi sa PBA two-time MVP awardee.

Kontra ni Banal miabot na

NIABOT na kagahapon sa Manila si Thai Pungluang Sorsingyu alang sa iyang pagpakigbatok kang ALA fighter AJ ”Bazooka” Banal sa main event sa “Pinoy Pride XVII:Philippines vs. the World” nga gikatakda karong Sa­bado sa SM Mall of Asia Arena.

Si Pungluang, world no.2 contender, makig-ilugay kang world no1. Banal sa bakanteng World Boxing Or­ganization (WBO) bantamweight title.

Fajardo na-injured

DI makaduwa og duha ngadto sa tulo ka semana ang Sugboanong no. 1 draft pick sa PBA nga si June Mar Fajardo sa Petron Blazers human kini ma-injured atol sa ilang duwa batok sa San Mig Coffee Mixers niadtong Dominggo diin sila napildi, 90-84.

Si Fajardo anaa karon sa Cardinal Santos hospital didto sa Kaulohan human dunay gipamating sakit sa iyang scrotum o itlog sa dihang naigo kini ni San Mig forward Marc Pingris.

Reyes kampyon sa One Pocket sa US

GIPUKAN ni Efren “Bata” Reyes si Francisco “D’jango” Bustamante aron langkaton ang titulo sa Chuck Markules Memorial One Pocket Division crown sa Sacramento, California.

Nabulsa ni Reyes ang US$1,100 nga premyo human mopatugbabaw sa race-to-four sa torneyo nga wa gyud siya makaangkon og kapildihan.

Air21 batok Talk ‘N Text; Meralco vs. Globalport

ANG Talk N Text, usa sa duha ka wa pa makatilaw og pildi sa nagpadayon nga PBA Philippine Cup, mosuway pagprotehir sa ilang limpyong baraha sa dihang ilang ikaatbang ang Air21 Express karong gabii ug sa unang higayon ning nagpadayon nga season, anha na sa Mall of Asia Arena sa Pasay City.

Ang Tropang Texters (2-0) ug ang Express (1-2) mag-abot sa alas 7:30 sa main game karong gabii diin si coach Norman Black mao nay modala sa kinatibuk-ang duwa sa Texters human niya mahatod ang Ateneo Blue Eagles sa ikalimang sunodsunod nga titulo sa UAAP.

Arce maoy sunod?

HUMAN sa iyang impre­si­bong 9th round TKO nga ka­daugan batok kang WBC Diamond champion Japanese To­shiaki Ni­shioka niadtong Do­ming­go, laing malisod nga tahas ang naghuwat kang Nonito “The Filipino Flash” Do­naire sa umaabot.

Nagkanayon ang promoter ni Donaire nga si Top Rank boss Bob Arum nga plano niyang lihukon nga magkaaway sila si Donaire ug Mexican superstar Jorge Arce karong Disyembre.

San Miguel vs. Lhuillier sa Coliseum, Oct. 26-27

MAGSANGKA ang San Miguel Beermen ug M.Lhuillier Kwarta Padala Cebu Niños sa duha ka mga adlaw nga exhibition games karong Oktubre 26-27 sa Cebu Coliseum.

Tipik kini sa preparasyon sa Beermen alang sa ilang kampanya sa umaabot nga ASEAN Basketball League (ABL) 4th season nga sugdan karong Enero.

Fajardo ipa-train ni Olajuwon:Eala

ADUNAY dakong plano ang Petron Blaze Boosters alang sa ilang no.1 overall pick nga mao ang Sugbuanong si 6’10” Junemar Fajardo.

Nagkanayon si San Miguel Corporation exe­cutive Noli Eala nga plano sa kompanya nga dad-on ang 22 anyos nga higante sa Amerika sa Philippine Basketball Assocication (PBA) off season aron mag-training.

9th round ra

GIPALIG-ON ni Nonito “The Filipino Flash” Donaire ang iyang dungog isip usa sa labing maayong super bantamweight sa kalibutan pinaagi sa pagposte og 9th round TKO nga kadaugan batok kang Japanese superstar Toshiaki Nishioka kagahapon sa Home Depot Center sa Carson, California, USA.

Ning impresibong kadaugan, naprotektahan ni Donaire ang iyang World Boxing Organization (WBO) ug International Boxing Federation (IBF) super bantamweight titles.

Aces milubong sa Bull; Fajardo, Petron napildi

HUMAN lihi-i og duha ka sunodsunod nga kapildihan, nakalangkat na gyud sa ilang unang kadaugan ang Alaska Aces sa nagpadayon nga PBA Philippine Cup sa Smart Araneta Coliseum.

Ang Aces milubong sa Barako Bull kagahapon, 102-86, ubos sa pagpangulo ni JVee Casio kinsa mipakatap og 24 puntos bisan pa man sa iyang samad sa ulo.

Donaire vs. Noshioka

SAGUBANGON na ni Nonito “Filipino Flash” Donaire karong adlawa ang usa ka away nga mao gyud ang iyang gitinguha – ang pagpakigbatok kang Japanese boxing superstar Toshiaki Nishioka.

Ning awaya, nga ipahigayon sa California, USA, depensaan ni Donaire ang iyang World Boxing Organization (WBO) ug International Boxing Federation (IBF) super bantamweight titles.

Hilumon apan kuyaw kaayo

BASI sa panultion, ang hilumon nga tawo sama sa usa ka lawom nga sapa – hilom apan delikado.

Mao kini ang haom nga ikahulagway sa kontra ni ALA fighter AJ “Bazooka” Banal sa usa ka world title fight sa main event sa “Pinoy Pride XVII:Philippine vs. the World” boxing promotion karong Oktubre 20 sa SM Mall of Asia Arena sa Manila.

US training giuswag

NAKADESIDER si 8-time world champion Manny Pacquiao nga iuswag ang iyang pagbiyahe sa Amerika aron sugdan na ang hugot niyang ensayo sa paggiya ni American trainer Freddie Roach.

Si Pacquiao nakaeskedyul untang molarga karong adlawa apan tungod sa pulitika, nakahukom kini nga karon nang Oktubre 27 mogikan paingon sa Amerika.

Migallen: Naka 5-peat sab diay si Slaughter

NAKAKULIT gyud og makasaysayong lima ka sunodsunod nga titulo ang Ateneo de Manila University Blue Eagles sa UAAP human nila pukana ang University of Santo Tomas (UST) Tigers sa finals series, 2-0, niadtong Huwebes.

Ambot og duna pa bay laing team sa UAAP nga makahimo sa ingon. Pero sa Cebu Schools Athletic Foundation, Inc. (Cesafi) giyano ra sa UV Green Lancers ang siyam ka sunodsunod nga kampyonato.

MVP VS. EPING?

NASURPRISA si incum­bent Philippine Olympic Committee (POC) president Jose “Peping” Cojuangco sa kalit nga pagtumaw sa ngalan sa negusyanting si Manuel V. Pangilinan nga maoy moparang kaniya atol sa POC elections karong Nobiyembre 30.

“I don’t know because the last time I talked to him, he didn’t tell me he was going to run,” padayag ni Cojuangco human sa gipatawag nga POC board meeting sa Ultra. “If he was running, he would have told me.”

Cesafi beach volley sugdan na karon

SUGDAN na karong adlawa ang 12th season sa Schools Athletic Foundation Inc. (Cesafi) beach volleyball tournament sa Southwestern University (SWU) sand courts.

Ang kasamtangang kampiyon University of the Visayas (UV) nga gilangkuban sa panagparis nila ni Mike Abria ug Mark Fernandez maoy gikonsiderar karon nga team-to-beat o inilog sa torneyo tungod sa iyang back-to-back title sa Nestea Beach Volley National champions ug sa National Prisaa 2012.