Mexicano gileksiyon ni Cuello

GITUDLOAN ni International Boxing Federation (IBF) no.1 minimumweight Filipino Denver “The Excitement” Cuello-Sinwangcha og saktong leksyon sa boksing si Mexican Ivan Meneses sa pagposte niya’g unanimous decision nga kadaugan kagahapon sa Plaza Morelia, Mexico.

Nahimo kini ni Cuello bisan naangol ang iyang tuo nga bukton sa 3rd round ug nagisian siya sa 4th round.

PBA SUGDAN

Duwa karon: 4:30 p.m. – Opening Ceremonies 6:00 p.m. – Ginebra batok Globalport

SUGDAN na karong hapon ang Philippine Basketball Association (PBA) 38th Philippine Cup sa Araneta Coliseum.

Pagara daog

GIGAMIT ni ALA fighter “Prince” Albert Pagara ang iyang pintok kaayo nga jabs ug mga kumbinasyon aron lupigon ang beteranong si Marvin Tampus pinaagi sa unanimous decision sa miaging gabii sa “Bakbakan sa Balamban” boxing promotion sa lungsod sa Balamban, Cebu.

Si Pagara, kinsa kanhi PBA champion, nakasukol pa’g insakto sa sayong rounds. Apan dihang giataki na siya ni Paga­ra sa bodega, nausab na’g sugod ang dagan sa estorya. Sayod nga nabiyaan na siya sa puntos, si Tampus miagresibo og maayo sa ulahing rounds apan nalikayan ra ni Pagara ang maong ataki pinaagi sa iyang maayong paniil.

Nonito naay kumo nga mokuryente

ADUNAY bag-ong hinagiban si Nonito “The Filipino Flash” Donaire nga iyang gamiton sa iyang unification bout ba­tok kang Japanese To­shiaki Nishioka karong Oktubre 13 sa Carson, Ca­lifornia. Ang maong hinagi­­ban gitawag sa kampo ni Donaire nga electric punch, nga daw mokur­yente sa kon kinsa man ang maigo niini.

Mao kini ang gipabuhagay sa usa sa mga trainer ni Donaire nga si Brian Schwarts. “I don’t know but he punches real hard; it’s like my insides rattle when he connects,” asoy ni Schwarts sa usa ka video sa YouTube nga gi-link sa web page ni Donaire.

K.O. nga sayo

GUSTONG tuldokan ni 8-time world cham­pion Manny Pacquiao ang ilang panagribal ni Mexican Juan Manuel Marquez pinaagi sa pagposte og sayo nga knockout sa ikaupat nilang panagharong karong Disyembre 8 sa Las Vegas, USA.

Mao kini ang gibutyag ni Pacquiao di­hang gikahinabi ning mantalaan pinaagi sa telepono kagahapon atol sa selebrasyon sa adlawng natawhan sa iyang suod nga higala nga si boxing promoter Rex “Wakee” Salud sa lungsod sa Cordova.

Ateneo hari

HUMAN sa tulo ka mga tuig nga pagsuway, naangkon na gyud sa Sacred Heart School Jesuits-Ateneo de Cebu (SHSJ-AdC) Magis Eagles ang gipa­ngandoy nga korona.

Kagabii, giusban pagpukan sa Magis Eagles ni coach Rommel Rasmo ang defending champions University of the Visayas (UV) Baby Green Lancers, 77-72, sa Game 3 aron tiklupon og sayo ang best-of-five championship series sa high school division sa Cebu Schools Athletic Foundation Inc. (Cesafi) basketball event sa USC gym.

RP wala’y team sa Fiba ‘13

DILI magpadala og representante ang Pilipinas alang sa FIBA Asia Champions’ Cup nga gikatakda karong Oktubre 13-21 sa Beirut, Lebanon.

Ang rason dili usa ka boycott kon dili problema sa komunikasyon nga naglambigit kang Fiba Asia secretary-general Hagop Khajirian.

Pagara vs. Tampus

GIPAABOT nga mosugwak ang mga tawo diha sa Mayor Exasperanza Binghay Memorial Sports Complex sa dihang mopakita sa iyang kalantip ug kahanas ang batan-on ug boxing prospect nga si Albert “The Prince” Pagara sa Ala Boxing gym sa main event sa Bakbakan sa Balamban karong gabii.

Pinoy Pride XVII: Star studded cast

GIPRESENTAR kagahapon sa mga media ang Team Philippines nga mopakita og aksiyon ka­rong Oktubre 20, 2012 batok sa mga dekalidad nga boksidor gikan sa lima ka mga nasod sa Pinoy Pride XVII: Philippines vs. The World didto sa Mall of Asia Arena sa Kaulohan.

Ang maong event pa­ngulohan sa world title fight AJ “Bazooka” Banal (28-1-1, 20 KOs) batok sa Thailander nga si Pungluang Sor Singyu (42-1, 27 KOs) sa Thailand.

Migallen: Pacquiao posibli ania ron sa Sugbo

KON way kakulian, modalikyat dinhi sa Sugbo si boxing superstar Manny Pacquiao karong adlawa aron pagtambong sa selebrasyon sa adlawng natawhan sa iyang suod nga higala nga si boxing promoter Rex “Wakee” Salud.

Gawas sa selebrasyon mora og dunay sagul pamulitika ang pagbisita ni Pacquiao sa Sugbo.

Cobras 2-0 ang tuyo

Duwa karon: 5:30 pm- UV batok SWU (Srs. finals Game 2)

MOSUWAY pagposte og 2-0 nga bin­taha ang Southwestern University (SWU) Cobras sa ilang pagpakigharong og balik sa 9-time champion University of the Visayas (UV) Green Lancers karong hapon sa Game 2 sa college division finals best-of-5 series sa Cebu Schools Athletic Foundation Inc. (Cesafi) sa Cebu Coliseum.

Pinoy Pride XVII cast moatubang sa sports media

IPRESENTAR atubangan sa media ang kom­pletong mga protagonista sa umaabot nga “Pinoy Pride XVII: Philippines vs. the World” karong alas 11:00 sa buntag sa Cebu Grand Hotel sa dalan Escario, dakbayan sa Sugbo.

Ang gikaintapang promosyon, nga gitamba­yayungan pagpasiugda sa ABS-CBN ug ALA Promotions, gikatakda karong Oktubre 20 sa SM Mall of Asia Arena sa Manila.

Donaire andam nang moaway

ANDAM na gyud si World Boxing Organization (WBO)/International Boxing Federation (IBF) super bantamweight champion Nonito Donaire alang sa umaabot niyang dakong tahas.

Ang gitawag og “The Filipino Flash” gikatakdang makigharong kang World Boxing Council (WBC) champion Japanese Toshiaki Nishioka karong Oktubre 14 (RP time) sa Home Depot Center sa California, USA.

Cobras nakauna

Duwa karon 5:30 pm- SHSJ batok UV (Jrs. finals Game 2)

MIKAMANG og paspas ang opensiba sa Southwerstern University (SWU) Cobras sugod sa hinapos nga bahin sa 3rd quarter aron paakon ang 9-time champion University of the Visayas (UV) Green Lan­cers, 77-72, kagahapon sa Game 1 sa college division finals series sa Cebu Schools Athletic Foundation Inc. (Cesafi) basketball tournament sa Cebu Coliseum.

Migallen: Leksiyon ni Milendo

“MILAN Milendo is ready for the world title fight,” matod pa ni Michael Aldeguer, ang presidente sa ALA Boxing gym, sa dihang gi-interview sa mga boxing writer human sa Pinoy Pride XVI sa Waterfront Hotel Lahug niadtong Sabado.

Yes, I agreed. Sa kalidad ni Milendo ug ingon man sa iyang eksperiyensiya taodtaod nang andam na gyud siya ni bisan kinsa nga world champion sa iyang timbang.

Aguilar nadasig ni Jeremy Lin

DAGHAN gyung basketbolista ang nadasig sa estorya ni Jeremy Lin ug usa na niini ang Pinoyng si 6’9” Japeth Aguilar, kinsa padayong namasin nga makaduwa sa National Basketball Association (NBA).

Human mi-expire ang iyang kontrata sa Talk N’ Text Tropang Texters, nakadesider ang 25 anyos nga si Aguilar nga mobalik sa Amerika aron ipadayon ang iyang tinguha nga mahimong labing unang Pinoy nga makaduwa sa NBA.

Mga rookie mobida sa opening

MOPAKITA dayon og aksyon ang upat ka dekalidad nga rookies sa pagsugod sa Philippine Basketball Association (PBA) Philippine Cup karong Septiyembre 30 sa Smart-Araneta Coliseum.

Sila si Chris Ellis ug Keith Jensen gituohang gamiton dayon sa Brgy. Ginebra Gin Kings sa pagpakigsangka niini sa bag-ong sulpot nga Global Port Batang Pier sa labing unang duwa sa 2012-13 season.

Kombati sugdan na

TANANG dalan mopaingon sa Cebu Coli­seum karong hapon sa pagsugod sa gika­intapang championship best-of-five series tali sa hugot nga panagribal nga 9-time champions University of the Visayas (UV) Green Lancers ug Southwestern University (SWU) Cobras sa Cebu Schools Athletic Foundation Inc. (CESAFI) college division.

SHS-Ateneo mipukan sa UV jrs.

INANAYNG gipakapakapa sa Sacred Heart Schools Jesuits-Ateneo de Cebu (SHSJ-AdC) ang pako sa ilang opensa sa 4th quarter aron lupigon ang defending champion University of the Visayas (UV) Baby Green Lancers, 80-76, kagahapon sa Game 1 sa high school finals best-of-three series sa Cebu Schools Athletic Foundation Inc. (CESAFI) sa Cebu Coliseum.

Human sa sikit nga kombati sa 1st half, ang Baby Green Lancers daw paingon nang modominar sa duwa dihang nakaposte sila og 62-52 nga labaw- labing dako sa duwa-- sa hinapos nga bahin sa 3rd quarter sa pagpangulo ni Paul Desiderio.

Alaska Aces maoy kampiyon

GIDUGANGAN og lamas sa Alaska Aces ang ilang pagkahimong kampiyon pinaagi sa pagmakmak sa M.Lhuillier Kwarta Padala-Cebu Niños, 76-65, kagahapon sa 2012 Cebu City Mayor Mike L. Rama Invitational basketball tournament sa Cebu Coliseum.

Kon buot hunahunaon, wala na’y bili alang sa Aces bisa’g unsa pa’y resulta sa duwa tungod kay nabulsa na man nilang daan ang kampiyunato human nila gipangpukan ang San Mig Coffee Mixers sa miaging gabii.

Pagpakaaron-ingon lang ang Alayon-LP?

PAGPAKAARON-INGNON lang nga makig-alyansa sa Liberal Party (LP) ang Alayon ni Kongresista Eduardo Gullas alang sa sunod tuig nga eleksyon kon di kini mosuporta sa kandidatura ni Atty. Hilario “Junjun” Davide sa pagka gobernador sa 2013 election.

“If Eddiegul says that he doesn’t want to support Junjun (LP gubernatorial candidate Hilario Davide III) then the reality in our district is that the coalition between Alayon and LP is useless and only in name,” matod ni Konsehal Romeo Villarante sa oposisyon.

Suspek nga kawatan, gikiha

KAY giingong gikawat niya ang P310,500 nga kantidad sa alahas ug mahalong butang, usa ka molupyo sa dakbayan sa Talisay ang mag-atubang og kasong kriminal sa korte.

Ang Talisay City Pro­se­cutor’s Office nakakitag igong ebidensya nga mag-atubang sa kasong robbery si Junjun Reyes.

Go! Mayol, Go!

SAGUBANGON ni kanhi world champion Rodel “Batang Mandaue” Mayol karong adlawa ang usa ka importante kaayong away nga posibleng magdesisyon sa iyang kaugmaon sa boksing.

Ang US-based nga lumad nga taga Mandaue City mosuway pag-ilog sa korona ni International Boxing Federation (IBF) super flyweight champion Mexican Juan Carlos Sanchez sa Sinaloa, Mexico.

RP Gilas 4th ra

IGO rang naangkon sa Smart Gilas Pilipinas human sila napilde sa katapusan nilang tahas batok sa Qatar, 63-76, kagahapon sa FIBA Asia Cup semi-finals sa Tokyo, Japan.

Dungan sa kapildihan, nawad-an og kahigayunan ang Gilas nga makaduwa sa FIBA Asia Championships nga ipahigayon sa sunod tuig sa Lebanon. Kini nga torneyo maoy qualifying sa FIBA World Cup.

Texters buhi pa

Mga duwa karon: 4:00 pm- M.Lhuillier batok Alaska 6:15 pm- Talk N’ Text batok San Mig

BUHI pa ang poruhan sa Talk N’ Text Tropang Texters sa inilugay sa kampiyunato human nila gipangmakmak ang M.Lhuillier Kwarta Padala-Cebu Niños, 90-76, kagahapon sa Cebu City Mayor Mike L. Rama Invitational basketball tournament sa Cebu Coliseum.

USJR, CITU jrs. 3rd placers sa Cesafi

NAANGKON sa University of San Jose Recoletos (USJR) Jaguars ang ikatulong dapit sa college division human sa makutas nilang kadaugan batok sa defending champion University of Cebu (UC) Webmasters, 70-68, sa Game 2 sa best-of-three series sa miaging gabii sa Cebu Schools Athletic Foundation Inc. (CESAFI) sa miaging gabii sa Cebu Coliseum.

Sa inilugay sa ikatulong dapit sa high school division, gihuman sab sa Cebu Institute of Technology University (CITU) Wildkittens ang series pinaagi sa pagbuntog sa Cebu Eastern College (CEC) Dragons, 69-63.

Dunay matumba

HUMAN sa official weigh-in kagahapon sa SM City, kumbinsido si ALA fighter Milan Melindo nga nahadlok kaniya si Venezuelan Jean Piero Perez.

Matod ni Melindo nga ang maong gibati ni Perez puwede niyang pahimuslan sa ilang panagharong karong gabii sa main event sa “Pinoy Pride XVI:Venezuelan Invasion” sa Waterfront Hotel sa Lahug, Cebu City.

Kabangis sa Pacman ibalik ni Roach

GIPABUHAGAY ni Freddie Roach nga aduna siya’y himuong lakang aron mahibalik ang kabangis sa iyang pabo­ritong estudyante nga si 8-time world Manny Pacquiao.

Nagkanayon si Roach nga ning higayuna, iyang tanyagan si Pacquiao og $1,000 nga insentibo kon makapakamang kini og sparring partner sa umaabot ni­lang training camp.

Airphil nakigtambayayong sa ALA Boxing Promotions

MAKAKUHA og special promotional rates sa AirPhil Express ang mga boxing fans sa Sugbo nga nagplanong motan-aw sa “Pinoy Pride XVII: Philippines vs. the World” nga gi­ka­takda karong Oktubre 20 sa SM Mall of Asia Arena sa Manila.

Mohatag ning maong discount ang Air­Phil human kini nakigtambayayong sa ALA Promotions.

RP-Gilas sud na sa semis

NAKAIPSOT ang Smart Gilas-Philippines sa pagpanghulga sa Chinese-Taipei sa fourth quarter aron kuliton ang 75-68, nga kadaugan kagahapon nga maoy naghatod kanila sa semifinal round sa FIBA Asia Cup nga gipahigayon sa Japan.

Sa dihang nanginit na ang Taipei ug mipakunhod sa labaw sa Pilipinas ngadto sa kuwatro puntos na lang sa katapusang singko minutos, si Gary David mipabuto og tres nga maoy nagduslit aron inaton og balik ang bintahan sa mga Pinoy, 71-57, 3:51 ang nahabilin sa duwa.