Tambagi ko Noy Kulas: Kay nakuha na

-A A +A

Friday, March 18, 2011


DEAR Noy Kulas,

I am Miss Butterfly,23, taga Sibonga. Akong is about my ex-boyfriend. Just call him Mr. J. Kadtong uyab pa mi, Noy, maora gyud mig mag live-in na kay every night diri na man siya matulog sa akong boarding house. Di na gani siya halos mouli sa ilang balay.

Naa na niya tanan nga akong gipangita sa usa ka guy, Noy. Pag third anniversary namo, Noy, naay nahitabo namo. After three months, maorag nagbag-o siya. Di na siya halos moari sa akong boarding house. Di na gani siya halos mo-text or motawag nako. So, nangita ko og paagi nga magka-talk ming duha. Mao tong nagkita mi ug nag-estorya mi about namo. Unya na-shock na lang ko kay niingon siya nga magbuwag na lang daw mi.

Advertisement

Wa na daw ayo among relasyon. Ako siyang giingnan nga unsa may rason niya nga makigbuwag man siya nako? No comment ra gyud siya.

Sakit gyud kaayo alang nako nga iya ra gyud gisayangan among three years. Nagsige na lang kog hilak that time pagbuwag namo kay morag wa na gyuy bili akong life. Daghan ang ni-advice nako. Five months na ang nakalabay, wa lang ghapon ko naka move-on niya.

Mao nga nakat-on ko og bisyo. Ganahan kong permi na lang ko hubog para makalimtan gyud nako siya apan di gyud.

Unya may na-meet ko, Noy. Just call him Mr. M. Buotan kaayo siya mao tong nagkauyab mi apan ako love niya as a friend ra gyud. Naabot mig one year apan akong huna-huna naa ra gihapon ni Mr. J. Unsay buhaton nako nga mawagtang na akong feeling ni Mr. J?

Ganahan nako buwagan si Mr. M apan di nako mabuhat kay maluoy ko niya. Unya karon, Noy, nabuntis ko ni Mr. M. Unya pagkahibawo ni Mr. M nga buntis ko, ganahan siya mgpakasal mi apan di ko magpakasal niya kay bisag gamay wa gyud koy love niya.

Naglibog na gyud ko kon unsa akong angay buhaton. Please tabangi ko.

MS. BUTTERFLY

Miss Butterfly,

Kining imong problema nahitabo na sab sa ubay-ubay nga mga babaye nga gibiyaan sa lalake human makuha ang ilang gusto. Consciously or unconsciously, naa gyuy mga lalake nga mapul-an sa babaye kon ila nang makuha. Mapul-an na sila ug mobiya nga sama og nagbilin lang og duwaan. Mao ning matanga sa mga lalake nga di mahimutang ug matagbaw sa usa ka babaye. Nahigugma sila sa idea of love, apan sa makadiyot lang nga panahon sila bation niini kay mapul-an ra sila sa babaye.

Mao to ang imong uyab. Ingon niana ang iyang nature. So, laktod nga pagkasulti, he is not worth sa imong gugmang grabe. Kaluy-I ang imong kaugalingon nga nag-antos sa paghigugma sa lalakeng di angay gyud hatagan og luna sa imong dughan. Well, naingon sab ka niana kay nahug man nga way closure ang inyong panagbuwag kay wa siya mohatag og rason. Nahadlok lang gud siyang moprangka nga wa na siyay pagbati nimo.

Husto sab ang imong hukom nga di ka magpakasal sa imong boyfriend. Prangkahi siyang wa kay gugma niya. Don’t promise him but hatagi siyag panahon. Ang one year maorag mubo ra aron mobati ka og gugma niya kay tulo kapin ka tuig baya mo sa imong ex-boyfriend unya kanunay mong nag-uban kaniadto. Tingali, kon madawat ko na ang pakyas mong relasyon, anha na diha magsugod pagtuybo ang liso sa gugma tali nianang ikaduha mong boyfriend.

NOY KULAS

Gipatik sa mantalaang SuperBalita Cebu Marso 19, 2011.

Kalingawan

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu's front page for December 20, 2014
Sun.Star Jobs
  • Habemus Papam
  • Festivals
  • goodearth
  • Sunstar Multimedia
  • Pacman blog
  • Sun.Star Zup!
  • Sinulog
  • Obituary
  • Technology
  • Calamity Report
  • ePaper
  • Pnoy
  • tell it to sunstar
  • SunStar Celebrity
  • Philippine Polls
  • Filipino Abroad