Talk to Papa Joe: Nagselos ni Papa

Sunday, June 26, 2011

DEAR Papa Joe,

Maayong adlaw nimo. Ako diay si Rose, taga V . Rama, Cebu City. 20 anyos na ko, Papa Joe, ug naay anak, ug biniyaan sa bana. Gibiyaan ko sa akong bana tungod lang sa selos. Siguro dala na kini sa akong pagka batan-on niadtong tungura. 18 pa ko ato sa dihang nisulod sa kaminyuon. Kataw- anan baya kaayo ang hinungdan nganong gibiyaan ko sa akong bana, Papa Joe.

Have something to report? Tell us in text, photos or videos.

Sa among iskwelahan man gud, Papa Joe, sa Guadalupe, maka lugar gyud mi og paminaw ninyo sa radio kon break. Unya lagi di malikayan nga sa mga deejay mo admire ang mga tawo. Karon duna miy classmate nga like kaayo ka niya ug ikaw permi iyang hisgutan.

Mao to pila may estorya mosakay sad ko sa topic niadtong tungura. Kahibawo mi asa ka puyo, Papa Joe, maong magkuyog mi sa among mga classmate para makakita nimo sa personal.

Karon nagka uyab mi niining papa sa akong anak ug duna gyuy nahitabo. Karon kay lagi wala pa mahibaw-i nga mabdos ko, usa ka adlaw ana lain man ang dating sa akong amiga, Papa Joe. Ambot gituyo bato niya o unsa ba, iya kong gisungog sungog nimo maong nagselos ang akong uyab.

Sige na siya og selos nga walay hinungdan hangtod bisan nga nagtipon mi. Pwerte namong lisura, Papa Joe, kay gasalig ra mi sa among ginikanan kay wala man miy trabaho.

Hangtod nga naka-idea ko, Papa Joe, nga ako siyang giingnan nga kanang imong selos ni Papa Joe imo pa nang itawag ngadto niya, patabang ka niya og trabaho, o ako na lang kaha patabang niya? Pwerte niyang sukoa ug iyang gitulisok akong tiyan. Iya kong giingnan nga kang Papa Joe nang bata no? Puro ka, Papa Joe, matod niya ug sukad niadto gubot na among pagpuyo. Hangtod nagka buwag mi.

Tambagi ko kon angay pa ba nako siyang gukdon o pasagdahan.

ROSE

Day Rose,

Hahahahaha ka kataw-anan anang imong uyab uy. Mabaw pa sa tanang mabaw. Well, sorry sa gidangatan sa inyong relasyon ha? Nadaot nuon ka sa among show. Well anyway, di man gud na nato malikayan nang sistemaha nga ingon ana kay mga bata pa man mo. Mao nay makuha basta mo enter oug sayo. If paminaw nimo nga iresponsable imong bana sa iyang pagka amahan ba, well, move on. Bata pa kaayo ka. Tiwas og eskwela kay wala ta kahbawo puhon makakita ra kag paris nga andam modawat nimo.

Maybe manifestation na nga di pa gyud mo andam sa usag usa kay linghod pa kaayo ang inyong pagsabot sa inyong gisudlan. Iampo lang na sa kahitas-an nga matarong siya. Well wala man sad ta kahibawo unsa gyud diay puhon. Sa pagkakaron, paninguha para sa imong anak. Daghang salamat kanimo.

PAPA JOE

(para sa inyong tampo ipadala sa papajoelon@hotmail.ph)