Tambagi ko Noy Kulas: Lover si Titser

Dear Noy Kulas,

Ako si Janine, usa sa imong mga avid reader. 17 anyos pa ko karon ug nagtungha sa usa sa mga dakong university dinhi sa Cebu City. Dako kaayo ning akong problema, Noy. Involve man gud ang akong kaugalingon ug akong studies ini.

Nagsugod ning 2nd year nako sa subject nga English. Naa koy maestro nga batan-on pa, mga 25 years old. Gwapo siya mao nga daghan ang makilig niya sa klase. Neat kaayo siya ug maayong modala og panamit. Lami sab kaayo siya og smile ug puti kaayo. Hamis kaayo og panit. Mo-admit ko nga usa ko sa mga crush niya.

Nang-invite siya namo og workshop. Kay kilig lagi ko, usa ko sa mga ming-attend sa workshop. Didto nagkaila mi. Nagsugod sab ang among text text human adto. One time iya kong gi-invite og dinner apan medyo tago kay basin dunay makakita namo. Nag-estorya ming duha og dugay hangtod nga nanghagad siyag inom nako. Nisugot ko kay kahibawo man ko gamay moinom.

Naglami ang among inom hangtod nga nakalimot mi sa oras. Mga ala una na tingali sa kaadlawon. Unya di na man ko makapauli sa akong boarding house, mihangyo ko niyang mokuyog lang ko. Didto nang-check in mi sa motel. First pa to nakong sulod.

Kay hubog lagi mi, unsa mang pagkahitaboa, dunay nahitabo namo ug first time to nako.

Sa laktod, uyab na mi ni Sir sa secret. Karon, hapit na mi kada weekend manglakaw ug mag-sex gyud ang ending. Proud kaayo ko kay sa tanan, ako ang iyang giuyab. Apan naproblema ko kay nasakpan ko sa akong parents kay nabasahan ni Papa ang text ni Sir.

Suko kaayo siya. Gusto niyang isumbong sa among school ang among relationship ug mataktak si Sir sa work. Gusto sab niyang moundang kog eskwela kay nagpakauwaw lang kuno ko.

Unsa may akoang buhaton, Noy Kulas? Nahadlok ko kay suko kaayo si Papa. Iyang ipataktak ang akoang maestro.

JANINE

Janine,

Kon tubayan nako ang mga tsismis, komon na man na ron ang teacher-student relationship. But kon tan-awon gyud ni, unethical kaayo ni alang sa mga titser nga mangubit og estudyante bisan kon ulitawo sila. Ganahan man sab gud ni sila og estudyante kay mas younger nila.

Pahibaw-a nang imohang maestro sa kasuko ni Papa nimo aron siya mismo makahimo og lakang, pinaagi sab sa iyang parents, aron maestoryahan na inyong estado.Kay basin giduwaan lang sab ka nianang imohang titser. Humot ka pa niya ron kay batan-on man ka.

Unya manubag kaha nang imong uyab kon momabdos ka? Basin pareho na sa uban nga mag-DNA (di na ako). Mao ra ba nay diskarte sa uban. Ingnon pang babaye nga di na virgin kay wa magdugo. Pait.

Sabta sab na si Papa nimo kay natural ra na sa reaction sa usa ka amahan. Basta ipadali na sa imohang maestro aron di mo-escalate ug maeskandalo hinuon. Mas maglisod na unya siya sa iyang estado sa pagtudlo.

NOY KULAS