Martin: Hala! Valentines na sad!

Monday, February 13, 2012

AC Martin
Tagming

BASTA padung na ta sa katiguwangon mang-hala na lang ta ani, pero sa mga batan-on, hala bira jud dayon!

Have something to report? Tell us in text, photos or videos.

Sa mga way Valentino ug Valentina siguradong bise-bisehan na lang ang drama, sama ni KC Concepcion nga naa karong adlawa sa Cebu Institute of Technology-University alang sa Visayas audition sa The X Factor Philippines sa ABS-CBN.

Naa man sad diay si Sharon Cuneta sa Cebu kay concert nila rong gabii ni Martin Nievera sa Waterfront Hotel. Good for KC and Sharon, it’s bonding time!

NAGKATIGUWANG

Speaking of concert, hala, napuno gyud diay ang concert ni Engelbert Humperdinck niadtong Dominggo sa Waterfront Hotel. Naa lang kunoy mga nikomento nga nausab na ang tingog ni Engelbert pero nindot kuno gihapon.

Aw, kamo bay mag-75 anyos! Si Nora Aunor wa pay 60 nagkabulibuli na man gani. Pero ang ganahan nakong tan-awon ang kang James Ingram karong Sabado (with special guest, Ms. Lea Salonga).

Uy, birthday diay ni James Ingram karong Huwebes, Pebrero 16. Sigon sa Wikipedia, mag-60 anyos na kuno ni. Pareho diay silag edad ni Basil Valdez. Sus, akong mga idol tiguwang na. Paila lang nga tiguwang na gyud ang kalibutan. Hahaha…

JESS CONNELLY

Pero sa di pa ta mangadto sa concert ni James Ingram, ari sa ta sa Gaisano Main ug Country Mall kay guest ni Mommy Rose Gaisano ang akong paboritong si Jessica Connelly.

Ang ex-PBB Unli housemate makita ninyo sa Gaisano Main Foodsquare, 6:30 p.m. karong Sabado kauban nilang Sheena Halili ug Neil Coleta. Duna sad silay show sa Country Mall, 8:30 p.m. atol sa ikatulong bola sa A Million Thanks, diin usa ka brand new Mazda ug mga appliances ang premyo. Nagpadayon usab ang ilang super baratilyo hangtod Dominggo.

Ug kon nahitabo pa nga wa mo-voluntary exit si Jess, plano diay ni Taguig City Mayor Lani Cayetano nga pabotaron ang tanan nilang tinun-an sa 12 ka tunghaan alang kang Jess. Sus, pwerteng dauga unta ni Jess!

BIRTHDAY CELEBRANTS

Kadaghan diayng artista nga nag-birthday karong adlawa sa Valentines Day, Kris Aquino, Heart Evangelista, Donna Cruz, Roxanne Guinoo, John Pratts…

Ug ang di makalugar og date karong adlawa, di mo angay mabalaka kay mas nindot i-date ugma kay showing na ang Unofficially Yours starring John Lloyd Cruz ug Angel Locsin.

Daghan ra ba kaayo silag love scene as in lingaw gyud ning salidaha.

Hala! it’s a date, Feb. 15!