Tambagi ko Noy Kulas: Nasakitan

-A A +A

Friday, June 8, 2012


DEAR Noy Kulas,

Ako si Reymark, 18 years old. Bisan pa man sa linghod kong pangidaron I have experienced a traumatic and tragic event regarding sa akong lovelife, taga Calatrava, Negros Occidental.

Nahiabot ko sa Cebu tungod sa kagahi sa akong ulo. Sa akong pghiabot dinhi, daghang mga babaye ang akong nahibalag ug nalambigit. Hangtod nga nagkaila mi ni Shiela, taga siyudad sa Naga. Nagkarelasyon ming duha sa among panag-uyab. Nasabtan nako ang tinuoray nga pagbati sa tawo nga nahigugma kay bisan og layo ra siya sa akong gitrabahoan diri sa Tabunok, motuyo gyud ko pag-adto sa Naga aron makuha-kuhaan akong kamingaw niya. Nilanat og pipila ka buwan among relasyon hangtod namatngunan nako nga di na siya ganahan mo-text ug motubag sa akong mga tawag. Pero kon magkita mi, maora man og okay ra siya.

Advertisement

Until such time nitug-an siya nako nga adtong time nga wa miy kontak duha kay nawa ang akong cell phone, nakauyab siya og lain. Everytime mo ask ko niya kon kinsa iyang love ug iyang pilion, moingon lang siya nga wa. Hangtod nga di na ko mahimutang ug magsige na lang kog hinutoktok ug saputon pirme. Maong nakahukom ko nga mouli na lang sa Negros aron ayuhon ang samad sa akong dughan.

Unsaon nako pagdawat ang nahitabo sa among relasyon kay sa akong tanaw wa koy laing mahimo gawas sa pagdawat kay di na man gyod nako siya makalimtan. Salamat unya sa tambag.

REYMARK

Reymark,

Wa man tingaliy tawo nga wa mag-agi og kasakit sa gugma. Ang tanan nga nisulod og relasyon makasinati man gyud. Naa lay time nga atoang masugatan ang tawo nga grabe og impact sa atoang pagkatawo. Sama kang Sheila nga nakapasakit nimo og maayo kay gihigugma mo man siya og maayo.

But siya na ba ang katapusan sa imong kalibutan? Pastilan, 18-anyos ka pa. Daghan pa kaayo nga mga hitabo ug mga babaye ang moabot sa imong kinabuhi. Kadaghanan nato magtuo nga ang babaye nga atoang gimahal sa usa ka bahin sa atoang kinabuhi mao na ang katapusan. Mao sab ang mga babaye, magtuo sab sila nga ang ilang gikarelasyon karon mao na ang katapusan. Apan pangutan-a ang mga hamtong kon tinuod ba ni?

Pangutan-a ang imong kaugalingon kon nganong ning higayuna daghan ang nagkabuwag ug
nag-annulled sa ilang kasal? Kini tungod sab sa sayop nga pagtuo. Ilang nasayran nga ang ilang gikauban di diay mao. Sayop diay ang ilang pagtuo ug ilang napilian. Tungod sa sayop nga pagtuo ug pagdali-dali, nasugamak sa kaminyuon nga di unta angay nga mahitabo.

Busa, ayaw pagtuo nga si Sheila na ang katapusan. Dawata nga di kamo angay sa usag usa. Dunay babaye nga gitagana gyud alang kanimo. Ayaw lang pagdali-dali. Ang kasakit molabay ra na. Everything heals in time.

NOY KULAS

NOY KULAS

Alang sa imong problema, e-mail lang sa: kulassuper@sunstar.com.ph o sa rojval69@yahoo.com. Suwat sab sa: Tambagi Ko, Noy Kulas, Sun.Star bldg., P. del Rosario st., Cebu city

Gipatik sa mantalaang SuperBalita Cebu Hunyo 09, 2012.

Kalingawan

DISCLAIMER: Sun.Star website welcomes friendly debate, but comments posted on this site do not necessary reflect the views of the Sun.Star management and its affiliates. Sun.Star reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!

Today's front page

Sun.Star SuperBalita Cebu front page for December 18, 2014
Sun.Star Jobs
  • Festivals
  • Obituary
  • goodearth
  • Sinulog
  • Habemus Papam
  • Philippine Polls
  • Calamity Report
  • SunStar Celebrity
  • tell it to sunstar
  • ePaper
  • Filipino Abroad
  • Sun.Star Zup!
  • Technology
  • Sunstar Multimedia
  • Pnoy
  • Pacman blog