Talk to Papa Joe: Di diay tinuod

DEAR Papa joe,

Ako si Vannesa, taga Cebu City. Karon, ga-work ko isip sales lady. Ang akong suliran mahitungod sa akong uyab nga nihinay na og kawala nako.

Nag-one year na mi bag-o lang og sulod sa usa ka tuig. Naa na gyuy nahitabo kanamo ug kaluoy sa Diyos wala man sab ko momabdos pero sukad nakuha ko niya, medyo nagkaanam na og kabugnaw iyang pagbati nako. Maorag sa ingon ta di na magparamdam kaayo hangtod bag-uhay lang nikompisal siya nga minyo siya. Iya lang kining gililong kay di siya ganahan mawala ko kay gihigugma daw ko niya.

So, ako isip babaye, ako mismo ang nibuwag niya pero wala man siyay effort nga makigbalik nako. So, ako na lang siyang gipasagdahan. Sakit kaayo ang panghitabo pero unsaon man minyo man siya. Unsa pay mahimo nako? Pero ning higayuna galibog ko kay di pa gyud nako madawat nga nawala siya kanako. Usahay lami na lang ilayat sa taytayan kay nailad ko pero sakit sad kay imbis masuko ko nipatigbabaw ang kamingaw ug gugma.

Palihug tambagi ko.

VANNESA

Vannesa,

Hinaot naka-recover nasad kag hinay hinay. Ang akong masulti, Move on. Kana lang kay kon akong basihan ang rason, maorag di katuohan ang lalake ug gihimo ra niyang rason ang pagka minyo. Usa pa, nganong karon pa man? Syaro, wala ka makamatikod? Wala sad diay nimo makita ang mga timailhan sa usa ka minyo? Sama sa singsing, oras ug mga tawag sa cell phone or text?

Kana, giilad na sad ka para makalikay siya nimo para ikaw na mismo ang moputol sa relasyon nga gusto niyang likayan. Naa gyuy mga lalake nga ingon ana nga makadaot sa mga bad record namong mga lalake. Bitaw, sagdihi na lang to siya ug hinaot pa nga sunod, dili sad nimo itugyan sa panulay, este sa lalake, ang imong pagka babaye kay ma simyat nya.

Learn sa imong mistake ug mas hatagi og value ron imong kaugalingon. Time will come, moabot ra gyud ang tukmang higayon ug lalake sa imong kinabuhi in God’s time. Daghang salamat and more power.

PAPA JOE

(sa inyong tampo ipadala lang sa papajoelon@hotmail.ph o joelonrt@hotmail.com)