Super kah! Papa Joe

Troy Ciar

KINSA ma’y wa makaila ni Papa Joe nga siya ma’y nahimong dangpanan karon sa mga personal nga problema sa atong katawhan? Apan ning higayona, kita na sa’y manguryuso ug manglili sa personal niyang kinabuhi. Papa Joe, Super Ka!

Nganong Papa Joe man, usa diay tinuod nimong pangan?

Taas kaayo: Norenito Joelon Edison Pelomiana. Kaliwat gyud namo si Lapu-Lapu. Pero sigon sa akong mama nga na-change ang among apilyido og Edison pag-abot ni Magellan sa Cebu. Pero sa bag-ong henerasyon nahimo na kuno ni rong “Edisa.” Pero kanang Pelomiana original gyud nang apilyidoha, mga 36 ra tingali mi sa compound namo sa Guadalupe.

Taga-Guadalupe diay mo?

Ang akong parents, pero ako naa nako’y kaugalingong unit sa usa ka subdivision sa Lapu-Lapu.

With your kids?

Akong kids naa ra sila diri sa siyudad nag-abang og apartment kay duol ra man sa ilang eskuwelahan. Puros babaye, si Lablab, 14, third year high school ug si Honey, 11, Grade 5. Lumalargahay na man sad ni sila sa Arizona, USA kay gipetisyunan man sila sa ilang mommy.

So, mo-abroad sad ka?

Dili uy, dugay na ming buwag sa ilang mama, 2001 pa. Amerikana man to akong ex-wife pero half-German, tan-awa nang mga nawong sa akong mga anak, mga mestiza. Divorced na mi kay naminyo na man siya didto.

Pero mas close si Lablab ug Honey nimo?

Oo, kay ako man gyuy nagmatuto ug nagpadako nila. Three years old pa lang gud si Lablab paglarga sa ilang inahan sa Amerika. Nitabang man sad akong parents, plus financial support sa ilang mommy. Then, akong girlfriend of 7 years maora ra sad nilag barkada. So, we’re a happy family bisag wa ilang mommy.

Pagbuwag ninyo naa na ka sa dyRT?

Oo, 1994 man ko nasud sa dyRT. Pero grabe sad tong pagsugod nako’g pangaplay og disc jockey kay wa gyuy estasyon nga modawat nako. Maayo pa kunong magdramatorgo na lang ko. Ang unang nihatag nako’g break ang dyNC pero graveyard. I was 20 at that time.

Eventually, nakakita tingali si “Ka Pedro” (kanhi DJ sa dyRT nga tua na sa abroad nagbase) sa akong potential mao tong iya kong gikuha. And I really made a promise to myself kon kinsa to’ng estasyon nga mohatag nako’g break ako gyung himuong No. 1. And because we’ve been consistently No.1, I was promoted to program supervisor in 2004. On March 20, the next year there I started hosting the new radio talk show, “Talk To Papa.”

Kusog imong Talk To Papa kay bisan sa wali sa pari starring na man ka, kay ngano kuno ang mga tawo tua na lang nila gisalig ang ilang problema nimo.

One time bitaw dunay nagpaila nga doctor, ni-text nako, suko kaayo ug iya kong giingnan nga “you have no right to discuss medical terms on air...” Ako sad siyang gitubag nga I’m just trying to give them information, wa man ko manghatag og tambal.

Mao ra sad na nga I’m just evangelizing the words of God but not on the mainstream.

Kay kon imo gung seryusuhon way maminaw, pero kon imong sagulan og binoang, daghang malingaw.

Makadawat sad kag mga indecent proposal?

Naa gyud kanang maorag ma-obsessed. Pero mas daghan ang death threats. Kanang maigo sa akong tambag mao nay kasagaran mangasuko ug kanang dili mabasa ang ilang text.

Usually, common problems kanang love ug betrayal, then kuwarta. Pero ang “in” karon kanang bag-ong portion nako nga “Itanong Mo”.

Unsa diay kurso nimo sa college?

Electronics Communications Engineering, kutob ra ko 4th year college sa USJ-R. Plano bitaw ko mopadayon, pang-lapida lang ba. Joke. Pero ganahan gyud kong motiwas, wa pa man ko’y 40.

Asa man sad ka nakat-on anang imong tambag-tambag?

Based on experience. Problematic baya ko nga pagkatawo. Bata pa ko grabe na kaayo ko’g inferiority complex. Then nagkabuwag mi sa akong asawa, hapit ko namatay, nabaldado ko. Pobre baya ko sa una.

Karon, datu na diay ka?

Aw, hahaha, dili sad. Akong kuwarta naa sa akong awto, sa monthly amortization sa akong balay, sa akong mga anak. Matod pa lagi nila kon unsa ka dako sa imong butones, mao sad kadako sa imong uhalis.

Nganong nadisgrasya ka?

Kaadlawon sa bag-ong tuig, 2008, nagpailog og kuwarta tong intsik nga amigo ra sad nako. Kalit dunay sakyanan niagi. Akong gisuway og luwas ang bata, ako hinuoy naigo.

Gitahi ni akong ulo, bali akong duha ka bitiis, kini akong duha ka paa puros na ni stainless. Gitabangan ko sa Eat Bulaga pero nagkautang-utang gihapon kay niabot man ang bill og P350,000. Overdue na gani ni akong stainless kay dapat after three years tangtangon ni pero nagkinahanglan og another P70,000.

Kinsa man say sumbongan nimo sa imong mga probema?

Wala, di man ko tig-estorya sa akong problema. Pray lang, I read the bible. Sakit uy labi na og maka-relate ko sa problema sa akong caller, makaingon ko nga “how I wish nga kini akong tambag niya mao say mahitabo sa akong kinabuhi.”

So, how do you handle your own problems?

Pray lang gyud for divine intervention. Usahay akong ilingaw-lingaw og duwa sa akong hobby nga radio controlled cars. Kini gud problema usahay mag-depende sad ni nato, pareho atong nadisgrasya ko. Would you believe 2 weeks after sa operation nag-drive na ko? And after almost a month nibalik na ko sa trabaho? Di lang gyud ta mawagtangan og paglaum kay kanang problema mao nay makapalambo nato sa atong pagkatawo isip Kristiyano ug sulundong anak sa Diyos.