Tambagi ko Noy Kulas: Ang bana

DEAR Noy Kulas,

My problem is my husband. Daghan na nga mga situation nga nahitabo sa among panag-uban nga ako na lang giaguwanta para lang sa mga bata.

Magbuot man gud ni siya permi or mag apil-apil sa mga butang nga wa siyay labot.

Like ang latest karon, iyang paduwaog soccer bisan di na summer ang among youngest.

So, iyang kuhaon ang among mga anak every Mon-Wed-Fri og sayo para mouli dayon. Ang ako kay unyag uli na nila, wa na koy masakyan. Ako ang nagbayad sa among auto, di siya. Nganong di siya? Kay dugay na siya gaplano mopalit og awto para namo, wa gyud nahitabo. Sige lang siya og buy and sell until wa gyud. So, I decided, with the use of my parents names kay ma-approve og dali, nga mopalit og awto.

Kon unsa iyang gihatag sa pag-down, ako siyang gibayran in the form of using my credit card to buy him what he needed at that time. Karon, ako pa ang gabayad sa awto with the help of my parents. So, karon iyang kuhaon ang awto those days unya ako mag-commute na lang. Hasol man ni kon whole year. And pag-abot sa balay, iya ra pa duwaon, di niya patun-on. Kay kon naa sa school, mag-tutor sila. Magbuot pa gani siya nga dapat mouli ko og sayobisan di na akong off.

Permi ra ni siya molibak sa akong family bisan sila pa gani ang motabang namo. Wa gyuy ethics or kauwaw. Kapoy man maminaw na niya. Di pa siya mo give nako og allowance for the kids. Lately, siya ang gapalit sa food, iya nako ginawong nga wa koy gitabang sa family. But kon moadto sa doctor and all, and mangalakaw na mi sa kids, ako man gani mogasto. Sa ka stress nako, makahungaw ko sa akong family. Unsa man ang angay nakong buhaton? Gikapoy na ko niya.

MOM

Mom,

Talagsaon sab ning imong problema. Sagad sa mga asawa nga nagpadala diri nako og suwat naproblema man sa pagpamabaye sa ilang bana. Kining imo lahi sab kay isipan. Nagtuo siya nga siya ra ang nagsakripisyo alang sa pamilya bisan kon kamong duha. Naa bitaw gyuy mga tawo nga ingon niana, consumed kaayo sila sa ilang kaugalingon to the point nga magtuo silang ilaha ang tanan nga kayod.

Apan sa akong tan-aw, you also need to communicate. Mag-sit down mong duha and talk about it. Ikaw ang makigsulti niya nga kamo rang duha.

Sa akong nakita, imong giaguwanta ang tanan bisan gisakitan ka na og maayo sa gibuhat sa imong bana. Hagda siya og date ug didto nimo isulti sa iyaha ang tanan mong mga reklamo. Likayi ang tuno nga bug-at kay basin ang panagsulti, nga ang tumong maayo, mosangko na hinuon sa kagubot. Naa ra bay mga higayon nga madala kita sa emosyon.

If he won’t listen, adto ka mosulti sa imong mga ugangan, kana kon maayo sab ang inyong relasyon. Or choose a family member niya nga iyang suod nga iyang paminawon kay basin makatabang kini sa pagpadangat sa imong mensahe.

Ayaw lang pag-surrender kay kanang problemaha, layo ra kaayo sa problema sa ubang mga asawa nga ang mga bana nagbisyo. Pray to the Lord for strength. Magpasalamat ka nga ang imong bana nag-atiman sab sa mga bata, inay toa sa bisyo sa inom ug babaye. Naa uban nag-drugs gani.

NOY KULAS

Alang sa imong problema, e-mail lang sa: kulassuper@sunstar.com.ph o sa rojval69@yahoo.com. Suwat sab sa: Tambagi Ko, Noy Kulas, Sun.Star bldg., P. del Rosario st., Cebu city