Talk to Papa Joe: Maorag stalker

DEAR Papa Joe,

Tagoa lang ko sa ngan nga In The Mix, 20 kapin na akong edad ug minyo. Usa ko ka spinner/dj sa diskohan. Ang akong suliran kay naay sige og text nako nga wala ko makaila and if mo text siya nako kay feeling close kaayo siya ug magsuko-suko pa.

Hasta pa ang tag-iya sa disco mobile iyang teksan ug awayon kon di ko katunga sa disco kay basta makahibawo siya asa ang disco, moadto siya.

Apan galibog ko kay di man ako ang naa sa iyang description kay matud pa niya puno kuno ko sa patik nga bisan tuldok sa patik wala man tawon ko. Grabe na kaayo siya kasamukan nako. Gatuo ko nga basin laing tawo to iyang nahimamat ug maoy nibira niya ug gadala sa akong ngalan. Hapit mi mag away sa tag-iya sa mobile nga akong gitrabahuan kay iya man teksan og bati nga sama sa gidaugdaug lang ko sa tag iya.

Magbuot daw ang tag iya nako nga wala ra gyud tawon ko mosulti ug moangal kay close
kaayo mi sa tag iya kay kompare gud mi.

Hangtod nga niabot sa Facebook ug nakita nako iyang dagway. Sus, maikog nalang ko. Di
na sad siya kita nako kay private settings man ko. Didto na sad siya nag-message og grabe kaayo.Unsaon man ni nako nga maundang siya kay basin lainon og sabot sa akong asawa hinuon. Mao say makadaot sa relasyon namo sa akong compare. Palihug tambagi ko unsay buhaton.

IN THE MIX

In the Mix,

Kon mahimo ayaw na lang na ninyo panumbalinga. Abi na lang importante kaayo siya.

Basin tuod mao nga mahimong gubot sa imong life. Pasagdi na lang na kay obsessed ra na nimo sa imong description sa iyang hunahuna. Kon di man gani to ikaw ang iyang na-meet kay patikan man, basin og tuod tinuod imong pagduda nga gidala ang imong ngalan.

Naa man gyuy mga tawo nga ingon ana. Di sad ka maguol ukoyon kay di man ikaw ang naa sa iyang description.

Ang maayo diha mag talk mo sa imong kumpare ug asawa nga mao na siya ang isyo. Ayaw mo og tuo. Ug usa pa, since nakahibawo siya sa Facebook nimo, ako pa nimo i accept siya para makakita siya nimo ug sa kamatuoran. And if di siya mohunong, ipa-baranggay na.

Total naa may address sa iyang Facebook. Di man gani, i-message tanang friends niya para makakuha kag impormasyon asa siya o unsa na siya. Basin may sayad. Tarunga lang.

Ayaw siya sabayi para makaamgo sad siya. Naa ra bay balaudnong ipalabang nga anti-stalking. Kana mahug na og stalker nimo. Okey? Kana lang ug daghang salamat.

PAPA JOE

(sa inyong tampo ipadala lang sa papajoelon@hotmail.ph o joelonrt@hotmail.com)