Talk to Papa Joe: Grabeng gugma

DEAR Papa Joe,

Just call me Vince. Naa koy naibgan nga girl name Flor. I like her, Papa Joe. Gani nanguyab na ko niya apan pakyas ko. Iyang reason kay di kuno pwede nga sugton ko kay saputon kuno ko ug silingan ra kuno mi. Saputon ko usahay pero naay reason nganong saputon ko.

Ganahan ko niya, Papa Joe. Gani nakapuyo ko sa balay sa iyang tiya. Pero usahay maglalis mi sa walay hinungdan. Mga 2 years ko nagpuyo sa iyang tiya then one time nga naay namisita niya, naglagot ko. Maora gani ko og nagsilos. Sa akong kalagot, hapsan ta nako og botilya ang ulo sa namisita niya pero gipug­ngan ko sa iyang uncle.

Gitambagan ko nila nga dili ko mamugos kon wala gyud gusto si Flor.

Nakahilak ko sa tago, Papa Joe, kay nasakitan sad ko sa nahitabo. Nilabay ang mga adlaw, unya naa na say nanguyab niya pero nagbulag ra sad. Ako siyang gipangutana, Papa Joe, nga kon naa pa ba koy pag-asa. Pero nikatawa lang siya. Maorag walay kwenta para niya ang akong gisulti.

Then nag court ko og lain nga girl para makalimtan nako siya apan wala gihapon. Siya gihapon ang gipitik sa akong kasing-kasing. Gani nanguyab sad ko sa iyang cousin. Pero siya gihapon ang akong gihuna-huna.

Karon, Papa Joe, unsa man ang akong buhaton? Kalimtan pa ba nako siya or mopadayon ko?

Badshot na kaayo ko nila. Gani gidungog ko nga patay na kuno ko. Naa ba siyay pagbati nako? Pero I love her so much, Papa Joe. I heard niya nga naa kuno siyay bag-ong uyab.

I hope nga matambagan ko nimo kon unsa ang akong buhaton.

VINCE

Vince,

Dili sala nimo ang paghigugma. Normal na. Pero sa imong sitwasyon, andam nimo ikondisyon sa imong huna-huna nga ang tanan walay kasiguraduhan. Tataw nga wala siya’y pagbati nimo ug gihimo lang niyang alibi ang imong pagkasaputon. Pero kon imong tan-awon, dako kaayo na’ng factor sa part sa babaye ang imong batasan. Dili ko mo-blame nimo kay basin kabahin na sa upbringing nimo sa bata pa ka.

Kon nahigugma ka niya, i-prove na. Ayaw ipamugos nag mahigugma siya nimo but pakit-a
siya nga andam nimong usbon imong batasan. Sa imong pagpamugos matan aw niya nga wa kay pasensya and if wala kay pasensya “ impulsive ka”.

Sa inyong pagka silingan klarix na kaayo niya imong pagkatawo nga maoy moduwa sa iyang huna huna kon angay ba kang hatagan og chance. Too much familiarity ra kaayo mo. Basin ikaw nakalimot ka sa basics sa pagpanguyab og babaye. Kontrola imong kaugalingon.

Buhata siyang challenge sa imong kinabuhi. Dili sa ingon nga mahimo nimong uyab para usab sa pag usab sa imong batasan.

Remember! Ang tawo nga boutan tabangan sa kahitas an.

PAPA JOE

(para sa inyong mga tampo ipadangat lang sa papajoelon@hotmail.ph o joelonrt@hotmail.com)