Talk to Papa Joe: Maikog na sa bana

DEAR Papa Joe,

Tawga lang ko sa ngan nga Jel. Naa koy ka live-in ug dunay usa ka anak. Ang akong problem man gud kay about sa akong family. Akong mama may sakit ug nanginahanglan og financial support para sa tambal. Kapila na pud siya naospital. Ang akong bana wa gyuy problema, Papa Joe. Halos tanan na lang gud sa iyaha namo idagan.

Hangtod sa niabot ang time nga nabantayan nako nga ang akong mga igsuon di na motabang nako. Kinahanglan pa gyud pugusun para padala og kuwarta. Usahay makig-away na lang gud ko nila. Lisod man pud kon sa akong bana na lang ko magsalig. Ma- feel pud baya nako nga gusto pud niya mag-concentrate sa amoa. Wa na lang gud mi tarong pundar kay magsige lang siya og tabang namo. Pila na gud sa akong mga igsuon natabangan niya sa pag-ospital. Hangtod na lang nakauli akong mama sa amoa.

Karon, gusto na pud mobalik ang akong mama diri sa among balay. Unya maikog na man ko
sa akong bana, Papa Joe. Unya akong giistoryahan parte ana akong mama. Moderetso man siya sa pagpangluod.

Unya akong mga igsuon, kon makig-talk ko nila parte sa akong mama, pirmi lang man sila magsige og sulti nga wala. Maora bitaw ako na lang tanan ang maglihok sa tanan. Ang gusto lang man gud nako nga kami tanan magtinabangay, di lang kay ako tanan.

JEL

Jel,

Ang Ginuo nagtan-aw kanimo. Nakahibawo siya sa imong nabuhat sa imong mama. Tuod saludo kaayo ko sa imong bana kay talagsaon ra kana. Meaning? Tungod sa iyang gugma nimo, naangin ang tanan.

Regarding sa gusto sa imong mama, sultihi imong bana sa imong gibati sama sa pagsugid nimo kanako sa imong suwat. And huwat sa iyang tubag.

And there anha na nimo buhaton ang sunod step. Regarding sa imong mga igsuon, ayaw na lang na ikasakit kay sa gisulti na nako, ang Ginuo nagtan-aw kanimo. Wa man siguro ka kapundar og maayo pero nagtukod na ka og palasyo sa gingharian sa Giuoo. Sa pagbuhat og maayo, imong gibusog imong spiritual side ug mahimong maayong sumbanan sa imong anak o mga anak puhon.

Ayaw na lang awaya sila kay naa sad silay rason ug bisan di ka kauyon sa ilang rason, mao ra sad nay naabot nila ang irason diha nimo. Again, be true to your husband kay tanan nimong pangutana siya ang solution sa pagkakaron. Daghang salamat sa imong tampo.

PAPA JOE

(para sa inyong tampo ipadala lang sa papajoelon@hotmail.ph o joelonrt@hotmail.com)