Talk to Papa Joe: Nagbasol gyud

DEAR Papa Joe,

Just call me Abhar. Naa koy girlfriend for 8 years na. Apan nakadisgrasya ko og lain nga girl nga iya ra sad nga cousin nga akong nabuntisan. Wa gyud koy love ana nga girl. Ang akong love ang ako gyud nga GF.

The moment nga nakahibawo mi sa nahitabo, nadawat ra sa akong GF. But, one month later, nausab ang iyang huna-huna. Dili na siya makadawat sa nahitabo. Bisan og unsaon nako siya og estorya kay nga mangayo ko niya og bisan gamay nga chance para maka prove ko niya kon unsa siya ka importante nako, dili na gyud kuno siya. Pero I know love ko niya and the more nga I love her. Nangayo siya nako og space. Nahadlok ko, kay basin ana nga space, dili na ko niya madawat pagbalik. Di gyud unta ko mosugot kay dili man ko makadawat. Apan nakasala man gud ko.

And then, sa wala pa mi nag-break ni-promise man gyud ko niya nga di ko magpakasal sa girl. Fortunately lang, ang mga kaliwat sa girl nga akong nabuntisan kay okay ra nila bisan dili ko mangasawa sa ilang anak. Ako ug ang akong GF ang naay dako kaayo nga problem karon. Nanginahanglan gyud ko sa imong advise. More power sa imong gipangbuhat. Daghang salamat.

ABHAR

Abhar,

Mao nay consequences sa mga action nga wala hunahunaa. Too late to have regrets, no?

Unya di sad ko mo blame nimo pero di man na matawag og disgrasya kay ang disgrasya wa na tuyoa. Pero namugna man na, meaning niagi og proseso. Mao at first nadawat lang sa imong uyab kay nipatigbabaw man ang iyang gugma. Pero the people around her usa sa mga nakapahigmata niya nga matimbang niya ang iyang pagbati.

Kabahin sa space, well iya nang katungod. Di gyud ta kapugos ana kay dihado lagi ka.

Unya ig-agaw pa gyud niya. Siguro, iyang makita ang naguba nga relasyon niya nimo ug sa iyang ig-agaw nga tan-aw niya, mas nagkinahanglan nimo kay namabdos man.

Kinahanglan makuha nimo pagbalik iyang pagsalig pero dili diha diha dayon. Pero if mawala gyud siya nimo, well, dawata kay lagi nakasala man. But nevertheless, salig sa kahitas-an. Kon tinud-anay gyud ang imong pagbasol ug tinguha. Okay? Daghang salamat.

PAPA JOE

(sa inyong tampo ipadala sa papajoelon@hotmail.ph o joelonrt@hotmail.com)