Martin: Enchong gidumog sa Cebu
-A A +AMonday, July 30, 2012
GRABENG sabaa sa mga tawo niadtong Sabado SM City Event Centre nga nakakita nilang Enchong Dee ug Joseph Marco.
Ang duha nibisita sa Sugbo aron i-promote ang ilang pelikulang The Reunion sa Star Cinema nga ipasalida na karong Agusto 15. Gibituonan sad ni nilang Xian Lim, Enrique Gil ug Kean Cipriano.
Usa ko sa nakahigayon og interbyu ni Enchong ug Joseph sa backstage pero wa ko magdugay kay sigon pa sa ilang handler “tungkol lang sa movie ang puwedeng itanong!”
Estrikto sad kaayo ang mga bodyguard nila nga bawal kuno pa-estambayan ang gawas sa lawak, diin naa ang mga artista. Pastilan, pagkadaghan bang arte! Kon di lang ni JSP asa man ko motunga!
SUPER KA!
Nakahinumdom pa ba mo sa Stagecrew? Pero nakaila gyud mo sa bandang Cueshe? Pipila lang ni sa mga gipasikat ug gi-manage niadto ni Myke Sarthou.
Apan ngano kahang nagbuwag sila sa Cueshe? Naa pa ba’y kaugmaon ang atong recording industry nga grabe na man kaayo ang online piracy? Ug kahibawo ba mo nga nagkadaghan ang mga suking artista ni Myke sa iyang restaurant sa Manila, diin siya sad ang kusinero?
Kini tanan ug uban pa tubagon ni “Chef Tatung” (mao nay tawag niya karon didto) sa atong one-on-one sa Super Ka!
Akong mga pahalipay diay sa Boneless Lechon ni Marlon ug Gladys nga nag-abli og bag-ong branch sa E-Mall. Happy first b’day sad kang Baby Moira Delator Briones nga nagsaulog karong adlawa. Cheers!!!
Gipatik sa mantalaang SuperBalita Cebu Hulyo 31, 2012.
Kalingawan
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
