Martin: GMA paliton karong Nobyembre?

AC Martin
Tagming

SIKATA na gyud sa mga artista sa GMA-7 kay atol sa Kapuso Mall show niadtong Dominggo sa SM City Consolacion, sus tawo pay imo, matod pa lagi sa taga-SM: “what a great turn-out.”

Maorag sila man tingali Elmo Magalona ug Julie Anne San Jose ang gipaabot sa mga tawo didto. Wa na ko mohuwat kay wa man sad tay nadawat nga imbitasyon sa GMA.

Pero unsa kaha ka tinuod sa chi­­ka nga ka­­rong Nobi­yembre ku­no ang ex­pected buy-out nga mahitabo tali sa TV5 ug sa GMA7?

Apan ang kundisyon kuno ni GMA chairman, Atty. Gozon kang Manny Pangilinan nga way taktakon nga empleyado sa higayon nga mapalit na nila ang Kapuso network.

Sakto kaha ning desisyon ni Atty. Gozon nga ibaligya ang GMA? Karon na hinuon nga nagkakusog na ang ilang mga programa?

Nihatag pa kunog ultimatum si Gozon nga kon dili paliton ni Pangilinan ang GMA karong tuiga, dili na nila ni ibaligya. Naa pay chika nga dili ra ba kuno na ganahan og union si Pangilinan!? Haka ka diha!?

DA BEST ANG HEALING

Nakakita na ko sa The Healing didto sa SM-Consolacion. In fairness, makahahadlok tinuod uy, bilib ko pagkahimo.

Labi na kadtong scene nga giduslak ni Ynez Veneracion ang dughan ni Allan Paule ug nagtaroy pa ni samtang nagpakitabang, grabeng ngilngiga.

Unya di pa igo, gitigbas ni Ynez ang liog ni Allan ug niligid sa karsada ang ulo.

Haskang boangang salidaha. Maayo mang dili tiwason og tan-aw. Maayo gani libre.
Hehe…

Bitaw, nindot. Mas nindotan pa ko sa The Healing kay sa Sukob ug Feng Shui. So far, maorag mao ni pinaka-best horror film nga nahimo ni Chito Rono. Hasta ang estorya maayong pagkasuwat. Compli pa beh!

LOOK FAMILIAR

Nakaila pa gyud diay si Iya Villania nako. Pero wa lang siya kahinumdom diin mi nagkita. Ako siyang giingnan nga kita bitaw tong kuyoga dihang giimbitar ka ni Ma’am Rosemarie Gaisano sa Gaisano Bogo.

“Ay, tama ang tagal na noon, mga four years na ata. Tama!” napaagik-ik ang aktres kay sige gyud kuno siyag hunahuna diin siya kakita nako kay familiar lagi kaayo niya.

Mao tong tayma nga gikan sa Bogo, mga tungang gabii nihapit ang ilang gisakyang van sa among balay sa Liloan kay nag-CR si Joross Gamboa. Pero si Iya wa na mosud ug didto ra naghuwat sulod sa van. Ugma, si Iya ang atong himbisan sa mas detalyado ug mas kumprehensibong one-on-one sa Super Ka!