Tambagi ko Noy Kulas: Manag-agaw

DEAR Noy Kulas,

Ako si Edwin, 22, nag-work sa usa ka call center. Kining akong problema bahin ni sa akong relasyon sa duha ka mga mag-agaw. Kining duha pulos ni pareho nako og work. Si Steph akong kauban sa trabaho while kining iyang first cousin nga si Aisha naa sa lain nga company but silingan ra ang ilang center sa amoa.

Nagkauyab mi ni Steph kay naandan ra man na sa kauban og work unya single mi.

Magkarelasyon man gani na ang minyo, unsa na kaha nang pulos pa single.

Dihay higayon nga nasakit si Steph. Mao to nagkadungan mi og duty sa iyang cousin.

Nagkatagbo mi sa usa ka kan-anan ni Aisha ug nagkaestoryahanay. Naa koy nabantayan niya. Lami kaayo siya og tinutokan nako. Naa man tay instinct no kon nakagusto ba nato ang babaye? Pagka next day, ako siyang gi-invite og laag sa di pa mi mo-duty. Nisulti siyang yes and it’s a secret namong duha.

Pila may estorya, nanan-aw mi og movie unya pagkahuman nangaon. Gisuwayan nako siya og invite nga mamahuway sa private place sa di pa mo-duty. Nisugot siya ug didto dunay nahitabo namo. Nagsabot ming duha nga secret ang among relationship.

Naglibog na ko ron, Noy, unsay akoang buhaton kay duha ni ka mag-agaw ang akong gilumpong. Moangkon ko pulos sila bug-at alang nako. Unsa man ang akong buhaton?

EDWIN

Dwin,

Di man gyud mahimong lumpungon nimo ang duha ka mga babaye. Kay bisan unsa pay imong buhaton, usa ra man gyuy maimoha ana. Gawas tingali kon magkasabot silang okay ra nila which is almost impossible. Kay di man gyud na malipay si Steph kon makahibawo siya nga ang iyang ig-agaw usab sab nimo. Kana si Aisha okay pa na ron pero molutaw ra nya ang pagpangabubho ana niya diha nimo.

So, start to evaluate nilang duha. Go for character kay di man magkapareho ang tawo ba. Naa man gyud na silay mga kalainan. Kay ang tanan boils down to character man kon magpili ta og partner. Mag-unsa man nang gwapa unya ang batasan ngil-ad or di nimo ikasinabot.

Unya, moprangka ka kanila kon kinsa ang imong mapilian. Kay sa paabuton pa nimong magubot mong tulo kay nag love triangle man mo. Kon dunay momabdos nila, o simbako silang duha ang magdungan og mabdos, kadako nianang problemaha. Busa aron maseguro nga di ka makapasakit, makapagubot ug masulod sa mas dako nga problema, pagpili asa nilang duha.

NOY KULAS

Alang sa imong problema, e-mail lang sa: kulassuper@sunstar.com.ph o sa rojval69@yahoo.com. Suwat sab sa: Tambagi Ko, Noy Kulas, Sun.Star bldg., P. del Rosario st., Cebu city