Talk to Papa Joe: Giunay ni papa

DEAR Papa Joe,

Tawga ko sa ngalan nga Mr. Inutil, 26, lumolupyo sa Lapu-Lapu City, minyo ko sa 23 anyos nga babaye. Ang akong suliran mao ang ilang relasyon sa akong amahan nga medyo batan-on sad kay sayo man siya nagminyo. Nangipon ra mi sa akong ginikanan unya akong mama bag-o pa lang sad nilarga sa Canada kay gipetistyunan sa iyang igsuon unya ako nagtrabaho isip ahente og motor ug kasagaran sa akong oras naa permi sa biyahe.

Hangtod niabot ang higayon nga medyo nausab ang akong asawa nako. Wa man sad ko magdahom nga tungod to sa akong papa kay di man gani sila mag-istoryahanay kon naa ko.

Hangtod nga naay nakapindot nako nga panid-an nako akong asawa kay naa kunoy gikabuanagan pero wala ko motuo kay naa gud akong papa sa amo makabantay.

So, wala nako hatagi og pagtagad hangtod nigrabe ang text sa ako. Basin magmahay ko if di ko motuo. Mao nga kalit niuli ko og udtong tutuk sa amo ug mao na lay akong nakita nga nagpatong siyang hubo sa akong amahan. Nanga-shock mi adtong tanan.

Wa ko kasabot unsa ang akong buhaton. Gusto ko nga mag-wild pero di ko gusto magkaeskandalo. Di sad ko ganahan mosukol sa akong amahan ug di sad ko kadapat sa babaye. Hangtod ning pagsuwat nako puros mi hilom ug wa gyuy usa nga niuna namo og discuss. Wa na sad ko ganahi pa makig-istorya ug dulog sa akong asawa. Unsa kaha akong buhaton? Palihug tambagi ko.

MR. INUTIL

Mr. Inutil,

Buotan ka gyud diay nga pagkatawo kay despite sa imong nasaksihan, nagtamod lang gihapon ka sa sugo sa Ginuo. Ang tentasyon naa gyud sa atong palibot. Makurat na lang ka nga imo ra diay nga dugo niunay nimo. Mga tawo nga wa magsubay sa mando sa Ginuo.

Siguro makig-estorya ka nila. Unsa man ang imong desisiyon respituhan na lang sad nila.

Kon makapasaylo ka sa imong asawa ug idayon ninyo inyong relasyon ug kon okay sad siya, then maayo. If not, maayo gihapon. Pero kon di nimo madala, mas maayo pa makigbuwag ka na lang og tarong kay sa magpuyo ka nga hugaw permi imong huna-huna.

Kon ipadayon mo man, mas maayo maglahi na sad mo.

Tinuod di igong rason no pero maayo maayo pangutan-on nimo sila ngano. Basin naa kay pag kuwang. Kanang tanan ikaw ra gyud ang maka decide. Ang amo mga kamaguwangang tambag lang. Ampo sa Ginuo, Bro, nga malamdagan ka ingon man sila ug makab-ot nimo ang saktong tubag sa imong suliran. Daghang salamat.

PAPA JOE

(sa inyong tampo ipadala lang sa papajoelon@hotmail.ph o joelonrt@hotmail.com)